Izdūta gruomota “Īdzer ols, lai bāduom ira gols!”

LaKuGa 20. Augusts, 2015. gods Comments Off on Izdūta gruomota “Īdzer ols, lai bāduom ira gols!”

Izdūta latgalīšim labi zynamuos jūku gruomotys “Īdzer veina, lai dzeive ira feina!” ūtruo daļa “Īdzer ols, lai bāduom ira gols!”.

Kai informej gruomotys autors Jurs Cybuļs, gruomotys pyrmuos dalis materials sakuortuots piec nūtykumu vītys: itai ir bejs pi myusu voi ar mums (Purlovā Bolvu nūvodā, juos apleicīnē i cytur pasaulī ar purlovīšim i jūs rodim, draugim i paziņom); itai bejs cytur; itai koč kur varātu byut bejs; itai dīz voi koč kur varātu byut bejs.

Nu gruomotys “Īdzer veina, lai dzeive ira feina!“ par pašu popularuokū ir palykuse Krapacu Ļuce, kas ir jaunuos gruomotys leidzautore. Jei ir Aina Kuorkla nu Kryšuonu Bolvu nūvodā. Ūtrajā daļā juos pošys savuoktī i īsyuteitī materiali. Krapacu Ļuce nu jou daudzi godu pazeistama kai skotuvis tāls. Vysūs apkuortiejūs nūvodūs ir byuts ap 100 reižu. Tuoluokuo vīta, kur gasteits, ir Bauskys pusē.

Atsauceiguokī paleigi dažaidu jūku īsyuteišonā beja Imants Zeltiņš, Juoņs Ločmeļs, Fraņcs Slyšans i Ontans Slyšans, ari autora bruoļs Andris.

Škārsteiklā atrostī jūceigī nūtykumi tyka puortulkuoti i appuškuoti piec vajadzeibys.

Fraņcs Slyšans ir ituos gruomotys zeimiejumu autors, a Juoņs Ločmeļs – izdeviejs (SIA “Raudava“), kas ir ari gruomotys “Īdzer veina, lai dzeive ira feina!“ leidzautors i izdeviejs. Obi ir nu Rekovys (Vileks nūvods).

Leluokuo daļa tekstu ir saraksteiti Purlovys izlūksnē, a īsyuteitī voi autoram pastuosteitī nūtykumi i jūki pamasti taidā vītejā izlūksnē, kaidā jūs autori tyka stuostejušs voi ir rakstiski atsyutejušs.

IMAGE0012

Komentari slāgti.