Folklorys kūpys “Dyrbyni” koncerts
Rīgas iela 22
Daugavpils, LV-5401
Latvia
Daugovpiļs nūvoda Kulturys centra folklorys kūpa “Dyrbyni”* izveiduota 2007. gods martā, lai izzynuotum, saglobuotum un tuoļuok nūdūtum latgaliskuos tradicejis, dzīsmis, daņčus.
Kūpys dalinīki ir školāni, studenti i struodojūši jaunīši, kurim pateik dzīduot tautys dzīsmis, spielēt dažaidus muzykys instrumentus (kūkle, stabule, vejūle, bungys, kontrabass, ceitara, akordeons, gitara i.c.), doncuot daņčus i vest rūtalis.
“Dyrbyni” ir pīsadalejuši Vyspuorejūs Dzīšmu i Deju svātkūs (2008, 2013), Jaunīšu Etnodīnuos (2010), storptautiskajūs folklorys festivalūs Latvejā (“Baltica” 2009, 2012, “Augšdaugava” 2010, 2011, 2013) i Fraņcejā sadarbeibā ar TDA “Dzintariņš” (2008, 2009), Pūlejā – ar Daugovpiļs nūvoda jaunīšu deju kolektivim (2009).
Folklorys kūpa regulāri koncertej dažaidūs pasuokumūs Daugovpiļs nūvodā, Latgolā.
“Dyrbyni” sasateik Daugovpiļs nūvoda Kulturys centrā catūrtdīnēs, lai kūpā muzicātum, sadoncuotum, sadzīduotum, pasarunuotum i čaju padzartum.
*Dyrbyns – cīši darbeigs cylvāks; taids, kurs navar nūsēdēt iz vītys.