“Kā tā otra puse mīl”
Rīgas iela 22
Daugavpils, LV-5401
Latvia
Lūmuos: Māris Korsiets, Kristīne Veinšteina, Leiga Ivanova, Maija Korkliša, Egils Viļumovs, Ritvars Gailums
Režisors: Jurs Jonelis
Britu dramaturgs Alans Eikborns, kurs teik saukts par komedeju meistaru, ir radejs apmāram pīcdesmit lugu. “Kā tā otra puse mīl” ir tulkuota 30 volūduos i aplīcynoj materiala nanūviertejamū spāku.
Darbeiba nūteik diveju laimeigu saimu dzeivojamuos telpuos, īsaverūt kasdīniškuos i šaļtim pat cīši atpazeistamuos situacejuos. I patīsai – bīži ari myusu dīnu sabīdreibā sateikamys saimis, kas nūnuokušys tik tuoli, ka juosuoc dūmuot, kai atjaunuot saimis lūcekļu sovstorpiejuos attīceibys, kai nūturēt sabalansietu saikni ar saimi i uorejū pasauli, socialom interesem, tīkšonūs piec varys, naudys i karjerys izaugsmis vareibom. Izruode, atkluojūt kotra varūņa dvēseliskū dzeivi, līk puordūmuot saimis lūmu kotra cylvāka dzeivē i rysynoj saimis saglobuošonys īspiejis. Cik tuoli juonūvad attīceibys, kab skoborga cytā saimē byutu leluoka par bolku sovejā? Kai nūsorguot sovu saimi nu pīsārņuošonys ar kotra saimis lūcekļa uorejom problemom i nagativom emocejom, padorūt saimis telpu par publiskū tualeti? I pats golvonais – kai nūjimt vysu sakruotū kasdīnys nūguruma nostu, kab varātu kotru dīnu nu jauna ūtrā pusē īsamīļuot?
“Kā tā otra puse mīl” ir paradoksala komedeja, kurā azartiski i ospruoteigi atsakluoj, kai patīseibā mīl tei myusu kotra ūtra puse.