“Laimas Muzykanti”

LaKuGa 16. Marts, 2017. gods 0
When:
08/12/2017 @ 21:00 – 23:45
2017-12-08T21:00:00+02:00
2017-12-08T23:45:00+02:00
Where:
Folkklubs "Ala. Pagrabs"
Peldu iela 19
Centra rajons, Rīga, LV-1050
Latvia

Etnoroka grupa “Laimas Muzykanti” dybynuota 1995. godā Daugovpilī. Tū dybynuojs i vys vēļ voda muzikis, folklorists, dzejnīks, komponists, aranžātuojs i multiinstrumentalists, sabīdriskais i kulturys darbinīks Artūrs Uškāns. Suokumā grupa veiduota kai Daugovpiļs Universitatis Studentu deju ansambļa “Laima” pavodūšais muzykalais sastuovs.
“Laimas Muzykantu” suokūtniejais skaniejums ir raksturuojams kai tyvynuots autentiskai folklorys muzykai, izmontojūt tautys muzykys instrumentus i autentiskus tautys dzīduojumus, kas veiduoti, bolstūtīs iz folklorys ekspedicejuos vuoktajim tautys teicieju dzīduojumim i tautys muzykantu spieliešonys manīrem. Laika gaitā muzykanti ir eksperimentiejuši ar vysaiduokim skaniejumim, instrumentim i naīrostim muzykys salykumim, par pīmāru, savīnojūt folkloru i opermuzyku, elektroniskū muzyku voi etnografiskuo ansambļa skaniejumu. “Laimas Muzykanti” sovā izpiļdejumā īkļaun vysaiduoku pasauļa vaļstu muzykys skaniejumus, sasadorbojūt ar izpiļdeituojim nu Lelbritanejis, Lītovys, Boltkrīvejis, kai ari popularizej latgalīšu muzykys tradicejis.


“Laimas Muzykanti” ir uzastuojuši ar daudzim Latvejā zynomim muokslinīkim i izpiļdeituojim — grupu “Iļģi”, Olgu Rajecku, Lauri Reiniku, grupu “Elpa”, Leilu Alijevu, grupu “Vilki” i cytim.


Dalinīki:
Artūrs Uškāns (bolss, garmane, akordeons, kūkle, dyudys, stabule i cyti)
Inga Zeile (bolss, vejūle)
Armands Varslavāns (gitara)
Matīss Uškāns (bungys)
Tatjana Nizjuļko (basgitara)