Nasabeist, dūd rūku!
Aglyunys vydsškola aicynoj škoļnīkus padūt sovus dorbus Latgolys Lauku školu jaunradis konkursam, kas veļteits nūvadneicai, dzejneicai Naaizmierstulei (Rozalijai Tabinei). Dorbus lyugums īsnēgt da 2011.goda 4.febraļam iz e-postu: aglonasvsk@pvg.edu.lv
Konkursa ideja ir īraudzeit škoļnīku dūmys i puordzeivuojumu atspulgus jaunradis dorbūs, kai ari aicynuot školānus kasdīnā īraudzeit skaistū i savdabeigū, veicynuot sovu Latgolai i Latvejai pīdereibys apsazynuošonu – apsaverūt, viertejūt, puordūmojūt tendencis sabīdreibā.
Naaizmierstules 115. dzimšonys dīna beja suokums škoļnīku jaunradis dorbu konkursam, kū 2005.gods novembrī izsludynova Aglyunys vydsškola.
Itūgod konkursa nūslāgums nūtiks 17.martā pl.12:00 Aglyunys vydsškolā.
