“Muzykys Skrytuļs” byus!
Jaunuos latgalīšu muzykys festivals „Muzykys Skrytuļs” pyrmū reizi nūtyka 2005.godā un turpynova veiksmeigi rypuot ari 2006. i 2007. godā. Piec dažu godu puortraukuma festivals atsagrīž, lai saglobojūt i popularizejūt latgaliskū identitati, veicynuotu jaunu dzīsmu radeišonu latgaliski. Ari itymā godā byus īspieja saīt kūpā gon jaunim, gon atpazeistameibu īgivušim muzykantim, kuri dažaidūs žanrūs roda jaunys dzīsmis latgaliski un kuri sagloboj latgalīšu tradicionalū muzyku, izmontojūt myusdīnu aranžiejumu īspiejis.
“Muzykys Skrytuļs 2011” nūtiks 2011.goda 16.julī Daugovpiļs nūvoda Leiksnā, breivdobys estrādē. Vokora koncerts nu plkst.17.00, nakts koncerts nu plkst. 21.00, nūslāgumā bals.
Pasuokumā aicynojam pīsadaleit solistus i muzykantu grupys (sastuovā leidz septenim cylvākim). Pīzasaceišona da 2011.goda 10.juņam, plkst.16:00 iz e-postu: skrytuls@gmail.com;
Komentari