Piec treju godu klusiešonys itymā vosorā 16.julī Daugpiļs nūvoda Leiksnā otkon nūtiks visim tik labi zynomais myusu dīnu latgaliskuos muzykys festivals “Muzykys Skrytuļs”.

Daleibu pasuokumā jau pīsacejuse popularuo grupa “Dabasu Durovys” i pādejuo laika atzeituokais latgalīšu muzykants Sovvaļnīks. Pīsasaceišona vēļ tikai da 2011.goda 10.juņam.

Jauni i pīredzi pīlasejuši muokslinīki teik aicynuoti īsapazeit ar festivala nūlykumu škārsteikla lopā LaKuGa.LV (precizuo saite lakuga.lv/posts/muzykys-skrutuls-byus), tī pat var atrast i aizpiļdēt anketu, tod tik naaizmierstit taidu seikumu kai nūsyuteit pīsacejumu iz e-postu skrytuls@gmail.com

Kai visim zynoms, tod vosora ir eisa i visi rauga pagiut sareikuot sovu pasuokumu, tod festivala “Muzykys Skrytuļs” organizatori aicynoj vysus latgalīšus sovūs kalendarūs i planavuotuojūs atzeimēt ituos vosorys juļa 16.datumu i napalaist garam pasuokumu, kū vysa Latgola gaidejuse nu jau četrus godus!

Jaunuos latgalīšu muzykys festivals „Muzykys Skrytuļs” pyrmū reizi nūtyka 2005.godā un turpynova veiksmeigi rypuot ari 2006. i 2007. godā. Piec dažu godu puortraukuma festivals atsagrīž, lai saglobojūt i popularizejūt latgaliskū identitati, veicynuotu jaunu dzīsmu radeišonu latgaliski. Ari itymā godā byus īspieja saīt kūpā gon jaunim, gon atpazeistameibu īgivušim muzykantim, kuri dažaidūs žanrūs roda jaunys dzīsmis latgaliski un kuri sagloboj latgalīšu tradicionalū muzyku, izmontojūt myusdīnu aranžiejumu īspiejis.

Seikuoka informaceja:

festivala organizatoru puorstuove Gunta Mežule 26439059