„Īsavuiceit var tikai dorūt”, stuosta jaunīšu bīdreibys „Kukuži” vadeituojs Oskars Orlovs. Lai vairuok īsavuiceitu par Latgolys kulturu, gondreiž nedelis garumā sešpadsmit Rēzeknis i Viļānu nūvoda jaunīši pīsadaleja nūmetnē „Latgolys bārni”.
Jaunīšim beja īspieja klauseitīs lekcejis par jaunuokū latgaļu literaturu i muzyku, izadoncuot latgaļu dzygu vokorā, īt puorguojīņūs i spēlēt teatri, taidā veidā lobuok iepazeistūt kai sevi, tai ari cytus.