30. novembrī 18:00 vokorā Rēzeknis piļsātys kulturys nomā, Bruoļu Skryndu īlā 3, Mozajā zālē nūtiks Rēzeknis Augstškolys (RA) tradicionalais Andrejdīnu pasuokums. Kur sevkurs interesents kūpā ar divom stjuartem var pīsadaleit i izbaudeit fantazeju ceļojumu da pīturai Andreji. Kotrā pīturā pasažeri varēs aplīcynuot sovus talantus gon dzejā, gon muzykā.

Andrejdīnu pasuokuma pyrmuo daļa byus veļteita dzejis skaitejumim, kur byus īspieja baudeit A. Rancānis, V. Lukaševica, J. Ryučāna, L. Rundānis, I. Atpilis‑Juganis, B. Bergys i cytus dzejnīkus, kas byus kluot itymā vokorā.

Literarais kabare sagaidēs jaunūs dzejnīkus i prozaiķus ar sovim dorbim. Ka juitīs pīdereigs jaunajim i gribi pasaceineit par Andrejdīnys golvonū bolvu – Uoksta capuri, ziņoj: ilga13@inbox.lv (da 29.11.) i tīši Tu byusi vīns nu kabare veiduotuojim. Nūsacejumi palīk agruokī: 3 minutis ir dūtys, lai paruodeitu sovu veikumu dzejā voi prozā.

Pādejā pīturā varēs pīsadalēt Raibuo Suņa prozys kruojuma “Pyrma syltī” prezentacejā, kurā jis kūpā ar muzykalajim asistentim – Juri Vucānu i Arni Slobožaninu – ļaus īsajust gruomotys nūskaņuos. Kai ari byus īspieja īsavērt Egitys Terezis Jonānis haiku kruojumā „Tikšanās uz siržu laipas. Trīspuksti.”

Pīturuos piec muzykaluo pīprasejuma byus ari da Gunchi. Naaizmierstit itymā fantazeju ceļojumā izzynuot sovu nuokūtni caur kartom, akmenim i cytim nuokūtni paradzūšim veidim. Varbyut itymā dīnā izzynuosit tū, kū jau gribiejot izzynuot seņ. Vysa pasuokuma garumā byus īspieja dzīduot (kluseņom), izzynuot nuokūtni, baudeit čaju i sajust radūšuo gora pīplyudumu.

Asom sūpluok jautrā un naaizmierstomā ceļojumā, nu kura sevkurs varēs pajimt koč kū tyvu i pateikamu.

Ilona Kablanova, 3HFB