Iz bolvu nominacejā „Lobuokais muzykys video 2011” izvirzeiti (alfabeta seceibā):

Aņss Ataols Bierzeņš „Babeņa”
Dabasu Durovys „Trešais pagarynuojums”
Ginc & Es „Esi latgalīts”
Sovvalnīks „Aiz azara bolti bārzi”
Sovvaļnīks „Pa skurstini bolti dyumi”

Aņss Ataols Bierzeņš „Babeņa”
„Babeņa” ir Aņša pyrmuo autordzīsme. Klipa režisors i operators – Pīters Tiudriks (Pēteris Tidriķis), klips izjimts 2011. goda martā bejušajā Preiļu rajonā i Reigā.

Dabasu Durovys „Trešais pagarynuojums”
Grupys „Dabasu Durovys” jaunuokais klips, kas taiseits sadarbeibā ar operatori Ivaru Utinānu i Makaru Kirikovu. Kai soka poša grupa – vīnu sastdini izdūmuojom nūfiļmēt videoverseji dzīsmei “Trešais pagarynuojums” – dzīsmei, kas metaforizāti puornas diveju cylvāku attīceibys iz futbola laukumu. Dzīsmis vuordu i muzykys autors – Arņs Slobožaņins.

.

Ginc & Es „Esi latgalīts”
Video klipa režisors Ivars Belka, dzīsmis vuordu autors Gints Ločmelis, bet meldejs – tradicionalais. Dzīsmis ideja ir par cylvākim, kas īt nu Latvejis “plotuo gola” i par skaistajom ainom tī.

.

Sovvaļnīks „Aiz azara bolti bārzi”
Dzīsmis ar Sovvaļnīka muzyku i Valentina Lukaševiča vuordim video versejis operators i montažys autors Māris Justs. Dzīsme nu muziķa debejis albuma „Sūpluok”. Klips paruoda cylvāka cītsirdeigū attīksmi i nažieleibu pret dzeivū, ari atbiļdeibys sajiutys tryukumu

.

Sovvaļnīks „Pa skurstini bolti dyumi”
Vēļ vīns Sovvaļnīka klips dzīsmei „Pa skurstini bolti dyumi”  (Sovvaļnīka muzyka i Valentina Lukaševiča vuordi) nu muziķa debejis albuma „Sūpluok”. Muzykys video taisejuse studeja „13mm” Ingus Amatnīka vadeibā.

 .