Izsludynuots projektu konkurss jaunatnis iniciativom Rēzeknis i Viļānu nūvodūs

Rēzeknis nūvoda pošvaļdeibys Izgleiteibys puorvaļde izsludynuojuse jaunatnis iniciativu projektu konkursu. Budžets projektu eistynuošonai ir 2 500 lati. Konkursā var pīsadaleit Rēzeknis i Viļānu nūvodu pogostūs dorbojūšuos jaunīšu navaļstiskuos organizacejis, školānu pošpuorvaļdis, jaunīšu centri, klubi i naformaluos iņterešu grupys.

Konkursa mierkis ir atbaļsteit jaunatnis īsakļaušonu politiskajūs, ekonomiskajūs, socialajūs i kulturys procesūs Rēzeknis nūvodā i Viļānu nūvodā.

Konkursa aizdavumi ir:

– atbaļsteit Rēzeknis i Viļānu nūvodu pogostūs asūšūs jaunīšu iniciativys;

– veicynuot jaunīšu leidzdaleibu sovu iņterešu, ideju realiziešonā i problemu risinuošonā;

– veicynuot jaunīšu lītdereiga breivuo laika pavadeišonys i naformalys izgleiteibys populariziešonu i aktualiziešonu;

– veicynuot sadarbeibu storp jaunīšu organizacejom, pašvaļdeibom i uzjiemiejim;

– rūsynuot lokalys pīdereibys apzinis i patriotisma aktualiziešonu i stiprinuošonu jaunīšu vydā.

Konkursa budžeta ītvarūs tiks atbaļsteiti vairuoki jaunatnis iniciativys projekti. Pīpraseituo summa nadreikst byut mozuoka par 100 latim i leluoka par 300 latim. Daškierū finansiejumu varēs izmontuot materialu, kaņcelejis preču, inventara i apreikuojuma īguodei, samoksuot par gostu lektoru dorbu i cytim pakolpuojumim, kas taišni saisteiti ar projekta nūrisi.

Projektus var īsnīgt personeigi leidz 22. martam 15:00 ci syuteit pa postu (posta zeimūgs – 20. marts). Īsnīgšonys vīta ir Rēzeknis nūvoda pošavaļdeibys Izgleiteibys puorvaļde (Atbreivuošonys aleja 95, LV – 4600, 3. kab.).

Konkursa komiseja, izviertejūt īsnīgtūs projektus, primari atbolstu daškiers tim, kuru izstruodē i realiziešonā byus īsasaistiejuši poši jaunīši, kuru tema ir jaunīšim aktuala, sekmej lītdereigu breivuo laika pavadeišonu, naformalu izgleiteibu i popularizej veseleigu dzeivisveidu, kai ari veicynoj jaunīšim draudzeigys vidis atteisteibu.

Jaunatnis iniciativu projektu konkursu Izgleiteibys puorvaļde projektu konkursu pyrmū reizi reikuoja paguojušā godā i pārn tika atbaļsteiti 12 nu 20 projektim, kuru tematika beja muzykys i deju festivali, pasuocīni ar sportisku īvirzi, jaunīšu saliduojumi, puorguojīni i tml.

Projektu konkursa nūlykums

Informaceja nu Rēzeknis nūvoda pašvaļdeibys olūtim

 

 

Print Friendly, PDF & Email

Kalenders

Apr
18
Cat
12:00 Latgolys dīna @ Vacsalīnys muižys piļs
Latgolys dīna @ Vacsalīnys muižys piļs
Apr 18 @ 12:00 – 14:00
Latgolys dīna @ Vacsalīnys muižys piļs
19:00 Grupys “Galaktika” albuma prezen... @ Aizkrauklis kulturys centrs
Grupys “Galaktika” albuma prezen... @ Aizkrauklis kulturys centrs
Apr 18 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]