Ontana i plāšnīku pīdzeivuojumi byus ari Leiksnā

Ontana i plāšnīku pīdzeivuojumi byus ari Leiksnā

Vysā Latvejā zyna par Ontanu, Anni i jūs dzeivi Latvejis pīrūbežā gon Baļtinovys dramatiskuo kolektiva „Palādas”, gon Latvejis Nacionaluo teatra izruodis „Latgola.lv” īstudiejumūs. Nu Ontana i Annis pīdzeivuojumi regulari rūnās ari tuoli nu jūs dzymtuos Baļtinovys. Tai 17. martā 16:00 iz Danskovītis lugys „Ontans i Anne” 5. dalis īstudiejuma „Ontans i plāšnīki” pyrmizruodi īlyudz Daugpiļs nūvoda Leiksnys KN amaterteatris „Maskas”.

Lugys 5. daļa „Ontans i plāšnīki (ekstrasensi)” viestej par pi Annis i Ontona iz divejom nedeļom gostūs atbraukušim Annis dāla saimis draugim – lauluotu puori nu Reigys. Ontons jiut, ka sātā nūteik sovaižys lītys. Atsakluoj, ka kuņdze nu Reigys ir parege i plāšnīca.

„Ontana i Annis” īstudiejuma pyrmizruode nabyus Leiksnys amaterteatra „Maskas” pyrmuo sasatikšona ar Ontonu i Anni. Cytys lugys dalis Leiksnā īstudātys ari īprīšk.

 

Print Friendly, PDF & Email