“Vuolyudzāni” i latgalīšu volūdys i kulturviesturis olimpiade aicynoj

12. reizi nūtiks skotuvis runys konkursu „Vuolyudzāni” i latgalīšu volūdys i kulturviesturis olimpiade vydsškolānim.

Lai rūsynuotu školānu interesi par latgalīšu rokstu volūdu i kulturviesturi, veicynuotu Latgolys kulturmontuojuma apzynuošonu školuos, Latgalīšu volūdys, literaturys un kulturviesturis školuotuoju asociaceja (LVLKŠA) sadarbeibā ar Rēzeknis Augstškolys Baltu filologejis pietnīciskū centru jau divpadsmitū godu organizej skotuvis runys konkursu „Vuolyudzāni” i olimpiadi vydsškolānim latgalīšu volūdā i kulturviesturē.
Olimpiade nūtiks š.g. 28.aprelī Rēzeknes 1. v-školā, Dziernovu īlā 3a , suokums plkst. 10.00.

Olimpiadē  pīsadola vydsškolu i augstškolu komandys 3 – 5 školānu sastuovā. Olimpiadis aizdavumus komanda veic kolektivi gon mutiski, gon rakstiski.

Skotuvis runys konkursā ”VUOLYUDZĀNI” aicynojam pīsadaleit 1. – 12. kl. školānus, bārnuduorzu audziekņus i studentus. Konkurss nūteik divuos kuortuos, daleibnīkim juosagatavoj divi daiļdorbu fragmenti (proza i dzeja), nu kurim kaidam juobyut P. Jurceņa ci O. Matvejāna dorbam, laiks kotram skaitejumam nadreikst puorsnēgt 3 min.

Viertiešona – pa vacuma grupom.

Olimpiadis i skotuvis runys konkursa rezultatus viertej LVLKŠA i RA Baltu filologejis pietnīciskuo centra kūpeigi izveiduotuo komiseja. Rezultati teik paziņuoti olimpiadis dīnā.  Gūdolguotūs vītu īgivieji sajam bolvys, puorejī daleibnīki – piminis veļtis.

Olimpiadis aizdavumu temys:
1) Latgalīšu rokstu volūda ( rokstu volūdys prasmis)
2) Mikelim Bukšam – 100
3) Vladislavam Luočam – 100
4) Laikroksts „Jaunais Vōrds” (1932. g.)
5) Latgolys kulturys tests (myusdīnu latgaliskuos aktivitatis, nūtykumi, jubilejis)

Vaira dazynuošonai viertīs nūlykuma!

Dasaceišona: gon olimpiadei komandys, gon daleibnīkus skotuvis runys konkursam aicynojam pīteikt leidz 25. apreļam iz asociacejis e- postu lvlksa@inbox.lv

Aicynojam pīsadaleit ari cytu, na tikai Latgolys rajonu školys!!!

12. SKOTUVIS RUNYS KONKURSA „VUOLYUDZĀNI ” NŪLYKUMS

.

Olūti olimpiadis aizdavumim

Print Friendly, PDF & Email

Komentari

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]