– Sauleite šudiņ ar zūbim, –
soka mama i apsīņ maņ šali.

– Sauleite šudiņ kūž, –
mama īdūd maņ cymdus.

To saīt, ka saule zūbus
var izjimt i īlikt mutē
taišni kai muna baba?

***

Cip cip, visteņa
mozim ciuoleišim
Cip cip, visteņa
mozim sūleišim
Kurrr irrr?
Kurrrrr?

Visteņa sorkonu seksteiti
visteņai septeni ciuoleiši
Te! Te! Te-te!

Slīka, slīceņa!
Seika vabale.
Skrīņ! Skrīņ! Irr! Irr!
Cikom irrr!

***

Muns kačs
ir statiņa sorgs.
Jis sēd iz stulpa —
boltys depeitis,
boltys ūsys, kažuks
streipains kai zeče.
Jis verās iz pasauļa apleik
acim lelom kai bļūdys.
Muns kačs
ir pasauļa kieneņš,
iz statiņa jam ir trons.

***

Lela meža vydā
lela, lela sāta.
Tymā lelā sātā
leli, leli ļauds.
Lelim ļaudim rūkā
lela lela zivs.
Lelai zivei mutē
moza, moza zivs.
Mozai zivei pruotā
lelais okeans.

***

Putyni rudiņūs
losuos iz druošu.
– Čiv-čiv, es skrīšu!
Es miusenis giušu!
Es liduošu tuoli, tuoli!
Cyts par cytu,
cyts cytam
putyni bļaustuos,
putyni runoj,
rudinī sēd iz druošu.