***

Vuškeņa iz pļovys
meiksta kai nu vata.
Jiereņš apleik skraida,
sovys mamys gaida,
paskrīn, paskrīn, smaida.
Vuškeņa kai puče
pučēs stuov iz pļovys

Oi-oi-oi,
kas niu byus!
Vucyns lels ar rogim
apleik pļovai staigoj,
mežā vylki skraida.
Vylkim bais nu rogu,
vylki bēgs nu meža.

***

Vīna poša
mežā īšu.
Vīna poša
kūrpis sīšu.
Vīna poša
baili cīsšu.

Vīna poša,
vīna poša,
poša vysur īšu.
Ka maņ paliks cīši bais,
es da mamys skrīšu!

***

Vīnai muotei
četri bārni:
div meitys, div dāli.

Pavasars atīt ar sauleitis smaidu.
Vosora puču vaiņuku golvā.
Rudiņam pylna skaline uobeļu.
Zīma pa snīgu ar slēpem skrīn.

***

Septeni eņgeli
putreņu vuoreja.
Pyrmais īkiure guni,
ūtrais atnese iudiņa spani,
trešais atroda ozbora kuli,
trešam sauvē ir suoļs,
pīktais atīt ar kotlu,
sastais dzīsmeņu dzīduoja,
septeitam lizeika rūkā.
Septeni eņgeli putreņu vuorēja.
Kas tū putreņu ēss?

***

AAA
Zīma gara, gara,
otkon pavasars.
Sauli valk nu škapa,
izkar zorūs lopys,
salīk pučis pļovuos.

EEE
Vasareņa atīt,
pajem peipineitis kliepī,
kaļtej sīna pļovys,
mežā zemneicenis.

UUU
Rudiņs, rudiņs
bogots bogots:
pylni vysi klāvi,
pogrobi i pyunis,
vysa, vysa gona.

III
Zīma atīt vīna,
pīnas daudzi snīga.
Sīva lelim skustim,
kuplim snīga bruņčim.
Atīt Zīmyssvātki.

OOO
Vysa kuo maņ gona —
četri godalaiki
cyts aiz cyta rypoj.
Ripele aiz ripys,
ripele aiz rīpys.