…nav vaicuojuma, nav atbiļdis / Zaiga Lāce. Ailenis

Vīna nu aizguojušuo goda debitantem latgalīšu literaturā – Zaiga Lāce – studente nu Daugpiļs ar saknem Pušā. Jaunuokais nu Zaigys īškejuo pasauļa ailēs.

 

Plyusma

..nav vaicuojuma, nav atbiļdis

nav atbiļdis,nav skaidreibys

nav skaidreibys, nav taisneibys

nav taisneibys, nav …

 

a nikuo nav… i nikam nav juobyut…

a kam juobyut – tys i ir…

 

dūmys nav,vuordi ir…

 

nasasteidz,

kas tyka īsuokts, tys juodabeidz…

 

Baiba i Jurs

Tei ryžuo sābru Baiba

Munu aci bīži baida.

Reizem brovis jai par malnu,

Reizem ļaškys jai par glaunu.

Naskaidus čortus jei baroj nu sauvis

I iuzys jai tik raibys,

Kai jau pi tuos sābru Baibys.

 

Bet tys munys sātys Jurs,

Soka, ka Baibu būrs.

Pajiems nu teiruma vušku

I ignoriejs munu jušku.

Nūdzins jai vylnu,

Pīlics klāvu pylnu.

Soka, ka guņskuri kūrs..

Nu tys tak munys sātys Jurs.

 

Piec nedelis jau jauna ziņa –

Vysa dzeraune izdzierdieja nu vysuziņa,

Ka tī obi dreiži kuozys dzīžūt.

Myusys pat kuknē sazacēlēs tū dzieržūt.

Deļ tuo jimit tū aiz auss –

Jo meita ir čudnuoka,

Jo puišam sirds ir trokuoka.

 

Nūsakumam nav nūzeimis

Munys izjiutys ir lobys.
Jiutys ari ir.
Tu juos rodi.
Tev ari juos ir.
Tu esi maņ kluotyn…
Tev labi saīt.
Es ari Tev byušu.
Maņ labi saīs.

Tu tik naazmiersti, ka bez Tevis ir vēļ kaids, kam Tu pateic.

 

Pīspīstuve

Kur atsarūn pīspīstuve?

Man šudiņ vajag pīspīst sevi lānuok ēst dreižuok dūmuot,

Agruok ceļtīs i mozuok pļuopuot.

 

Maņ četrys lītys lobys.

Tev kai vysod koč kuo datryukst.

Daber suoļa golvai..

Kam cīši soldonai suoc dūmuot.

 

Bez gudrim vuordim i brendu zeimem dzeivuot ari var,

Sprostuok saprast i smedzenis tys nauzkar.

Pīspīd sevi nūkrist nu duorguo divana

i apsa*ist pret akcejā pierktū pakluoju.

 

Acs komunikaceja.

Grybu Tev īšpļaut kreisajā acī.

Laiks viertīs caur lobū,

bet Tev laikam nav dekoders.

 

Vacuoki gabaleni puorskaitomi ite: https://www.lakuga.lv/2012/01/13/tik-personiski-bezpersoniski/

Karteņa nu Zaigys privatuo arhiva.


Print Friendly, PDF & Email

Kalenders

Apr
25
Cat
11:00 Festivals “Steigys” @ Juoņa Ivanova Rēzeknis muzykys vydsškola
Festivals “Steigys” @ Juoņa Ivanova Rēzeknis muzykys vydsškola
Apr 25 @ 11:00 – 17:00
Festivals "Steigys" @ Juoņa Ivanova Rēzeknis muzykys vydsškola
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Apr 25 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Koncerts “Celīs, bruoļ!” @ VEF Kulturys piļs
Koncerts “Celīs, bruoļ!” @ VEF Kulturys piļs
Apr 25 @ 19:00 – 21:00
Koncertā pīsadola kai jau populari i labi pazeistami, tai i pavysam jauni, dažaidus muzykys stilus puorstuovūši muokslinīki: Juoņs Aišpurs (THE SOUND POETS), Arņs Slobožaņins (DABASU DUROVYS), Guntis Rasims i Jurs Vucāns (BEZ PVN), Jurs Ostrovskis[...]