Reitu, 22. martā 11:00 Varakļuonu nūvoda muzejā byus Saļmu dzīduošonys pasuocīņs par Varakļuonu Borhu dzimtys myužeibā aizguojušim pīdereigim. Aicynuoti vysi interesenti!

Borhu dzymta ir vysā Baltejā slavana dzymta, kas Latgolā sovulaik īceļuojuse nu Vestfālis Vuocejā. Varakļuonu eipašumi Borhu dzymtai pīderiejuši jau 16. godusymtā, nu pyrmais zynomais myužis eipašnīks ir Jans Jenžejs Juzefs Borhs (1713. – 1780.) – Pūlejis kienistis lelkanclers, kurs saimnīkuoja ari Preiļu, Vuorkovys, Gaļānu, Stiernīnis, Landskoronys, Pasīnis i c. muižuos. Varakļuonu muižu nu tāva montuojs J.J.J.Borha dāls Mihaels Johans Borhs, kurs bejs vuiceits veirs, ražeigs rakstnīks i zynuotnīks.

Vaira par Mihaelu Johanu Borhu var puorskaiteit prīstera Viktora Nagļa rokstā ITE.

Napaseņ ari Latvejis Radejis 1. programā beja Borhu dzymtai i eipaši M.J.Borha zynuotniskai darbeibai veļteits laidīņs. Par grafu Borhu stuosta LU Akademiskuos bibliotekys Rūkrokstu i rešūs gruomotu nūdalis specialiste Aija Taimiņa. Nūsaklausi ITE