Pyrmū reizi školānu jaunradis dorbu konkurss nūtyka 2005. godā, kod Aglyunā atzeimuoja Naaizmierstulis aba Rozalejis Tabinis (1890 – 1965) 115. dzimšonys dīnu i godu gaitā klivs par stabilu tradiceju. Jaunradis dorbu konkursa mierkis ir školānu dūmu i puordzeivuojumu atsakluošona sevkura žanra jaunradis dorbūs. Itymā reizē konkursa tema beja rindenis nu Naaizmierstulis dorba „Tu ej… un speidi. Tu gaismeņu tymsumā nes…”.

Nu vysim konkursā īsnīgtim dorbim, 10 beja raksteiti latgaliski. Sadarbeibā  ar konkursa reikuotuojim, ari LaKuGys skaiteituojim byus vareiba īsapazeit ar konkursa jaunradis dorbim. Suocūt jau nu šudiņdīnys.