Vidis aizsardzeibys i regionaluos atteisteibys ministreja (iz prīšku VARAM) turpynoj sajimt i apkūpuot idejis i īrūsynuojumus Latgolys regiona izaugsmei. Jau īprīšk ministreja aicynuoja regiona īdzeivuotuojus, izjiemiejus, investorus i cytys īintarasātuos pusis izsaceit sovus pīduovuojumus, kas varātu veicynuot Latgolys izplaukumu. Da itam ministreja sajiemuse vaira kai 300 prīšklykumu gon nu īsaisteitom ministrejom, gon uzrunuotajom sabīdreibys grupom.

Kotrs ir aicynuots izsaceit sovys idejis Latgolys regiona izaugsmei, aizpiļdūt anketu ministrejis škārsteikla vītā www.varam.gov.lv/lat/latgale. Īrūsynuojumus ministreja turpynuos sajimt i analizēt da marta beigu, kod tūs paradzāts izvierteit i īkļaut vaļdeibai īsnīdzamajā reiceibys planā Latgolys regiona atteisteišonai.

11. aprelī planavuotais forums „Vareibu Latgola” (Iespēju Latgale) ir daļa nu VARAM iniciativys – politikys i planavuošonys vidi padareit piec vareibys atvārtu procesu, kurā pīsadola kotrs interesents. Forums dūs vareibu kūpeigim spākim apsprīst i izvērtēt prīšklykumus par izjiemiejdarbeibys atbolstu, izgleiteibys pīeimameibu i puorsakvalificiešonys vareišonu, cylvākkapitalu, socialajai i ekonomiskajai aktivitatei atbylstūšu infrastrukturu, kai ari efektivu puorvaļdeibu.

Ministreja dūmoj, ka kūpā var radeit rysynuojumus, kab Latgolu padareitu par īspieju regionu kotram, kurš ite jau dzeivoj, struodoj ci vuicuos, i sovu dzeivi iz prīšku saista ar Latgolu.