Kai jau īprīšk tyka raksteits, LgSC Daugovpiļs studenti ir pīrakstejuši projektu „Vuiceisimēs latgalīšu rokstu volūdu”, kura ītvorūs ar LR Kulturys ministrejis atbolstu teik reikuotys latgalīšu rokstu volūdys apvuiceibys školu jaunīšim „Vuiceisimēs latgalīšu rokstu volūdu vīnuvīt!”.

Projekta laikā LgSC ar apvuiceibom ir pabejuši jau nazcik školuos, ari iz prīšku ir saplanavuoti braucīni iz konkretom školom, bet ir veļ puora dīnys (maja mienesī), kod var vēļ nūbraukt iz kaidu školu, kas da šam nav pīsasacejuse. Deļ tam aicynojums školānim, školuotuojim, Latgolys jaunīšim, ka gribit vuiceitīs latgalīšu rokstu volūdu sovā školā, drūsai rokstit myusim iz e-postu: daugovpils@lgsc.lv.

Vaira par latgalīšu rokstu volūdys apvuiceibom var izzynuot LgSC sātyslopā – lgsc.lv, voi rokstūt iz daugovpils@lgsc.lv.

Pasateicam par projekta finansialū atbolstu Kulturys ministrejai, par informativū atbolstu lakuga.lv, kai ari lels paļdis vysom školom, kas jau ir jāmušys daleibu projektā!

LgSC Daugovpiļs biroja studenti