14. aprelī Pušā bīdreibys ,,Radio Randeņš” muzeja telpos nūtyka Ērika Škutāna fotoizstodis „Latgolys piļskolni Latgolys dobys ainovā” nūslāguma pasocīņs, kurymā ar cikom naformalys apvīneibys „Kroma kolna bruoleste” prezentaceju pīsadaleja ari Aleksandrs Lubāns i Ivars Logins.

Aleksandrs Lubāns Rēzeknis nūvoda Pušys Zundūs taisa 9.-12.gs. latgaļu cilšu kūka pili, kurū nūsauca par Kroma kolnu. Sovā prezentacejā Aleksandrs pastuosteja par dorbim, kas nūteik , par pīmāru, kulturys sferā. Bruoleste pīsadalejuse Vilnis Starptautiskajā gruomotu izstodē, Ludzys godatiergā, demonstrejūt senejū latgaļu ceinis mokslu. Itūgod teik planavuoti skaisti pasocīni Kroma kolnā – Kroma kolna piļs svātki 25., 26. augustā i Baltu vīneibys dīna 22. septembrī.

Prīcej “Kroma kolna bruolestis” cylvāku pariotisms, entuziasms i aizrauteiba, ar kaidu jī nas latgaliskū sevī i leidzcylvākūs, gūdojūt Latgolys seņviesturi, volūdu, dobu.
,,Radio Randeņš” muzeja apmaklātojim tei beja dzeiva Latgolys kulturviesturis , dobys vuiceibys i Latgolys mīlesteibys stuņde.

Pasuocīni boguotynuoja Pušys vokalais sīvīšu ansamblis,,Cīlavenis” i Īveņa Trimalnīce  ar skaistu Latgolys dobys skotu albumu.

Silvija Pīgožne, bīdreibys „Radio Randeņš” vaļdis prīšksādātuoja