Izīt Aņša Ataola Bierzeņa dzīsme „Tymsā vokorā”
Aņšam Ataolam Bierzeņam, kurs zynoms kai folklorys kapelys „Maskačkys spieļmani“ vadeituojs, izguojuse jauna dūmu dzīsme – „Tymsā vokorā“.
Taipoš kai i vysys cytys sovys dzīsmis, i itū Aņss na viņ dzīž, bet i spieļoj iz garmanis, tok juos pavadejums izaklausa cīši izškireigs – pasateicūt žemaišu tautys muzykanta Jura Okryna īspieļuotajim divejim skripku boļsim i zuodža partejai.
Dzīšmu vuordi i dzīsmis atrūnomys A.A.Bierzeņa sātys lopā: http://ansis.lv/
Tymsā vokorā
Tymsā vokorā tymsa saule aizalaiž,
Otkon nazynu, kur as byušu reit.
Seņuok ruodejuos: vysod ite dzeivuošu,
Niu paceli dzan cyti ļauds i viejs.
Kurs var zynuot tū, kas iz prīšku, prīšku byus,
Kod par šaļti jau izagoda kas.
Tymsā vokorā tymsa saule aizalaiž,
Otkon nazynu, kur as byušu reit.
