Sīvysmuotis pīdzeivuojumi Kuorsovā. Komedeja treis daļuos

Sīvysmuotis pīdzeivuojumi Kuorsovā. Komedeja treis daļuos
Šudiņ, 23. aprelī teik svieteita Jura aba Jurģa dīna, saukta ari par Ūseņa dīnu, kas reizē ir ari zemnīku goda simboliskys suokys. Jura dīnys vokorā iz jaukim atpyutys breižim aicynoj Kuorsovys Kulturys noma dramys kūpu „Kuorsovīši”, kas ruodeis vysys treis Danskovītis „Sīvysmuotis…” dalis.

Danskovītis komedeja 3 daļuos:

 I daļa „Sīvysmuotis senču laiki” – Darbeiba nūteik Austrumlatgolys pīrūbežys zemnīku sātā, kur Jezupa saime cenšās sadzeivuot ar sīvysmuoti Domicelu, bet reizē gryb saimnīkuot pa sovam… Jezupa muote Stefaneja ar dālu Juoni i meitu Lilitu, taipat tyvuokī sābri – Līvija ar Aļbertu vysod gotovi dūt padūmus i daleitīs pīredzē…

II daļa „Sīvysmuotis bizness” – …peic goda iz Domis, Vijis i Jezupa saimisteibu, brauc Vuocejis zemnīku delegaceja i zemkūpeibys ministrejis puorstuovi, kurūs nūlamts vīsmīleigi izjimt ar pīteikamu šmakovkys, ols i izliejumu daudzumu… Paleigā īt sābru Liva i Aļberts, veiramuote Stepce ar Lilitu i Juoni …

III daļa  „Sīvysmuotis lobuo sirds” – …nuokomuo goda pavasarī Jezupa saime dūdās pīredzis apmainis braucīnā iz Vuoceju. Līvija ar Aļbertu gastej Reigā, deļ tuo Dome aicynoj paleigā cytu siebrineicu – Mariju, kuruo sovu veiru Pīteri aizsyuta uorstētīs nu alkoholisma… Cikom veirs paceli, Marija saorganizej Domis sātā preceibys… Veiramuote Stefaneja i itūreiz ir īintereseita persona…

Dorbojušuos personys:

Sīvysmuote Dome – Dzidra Volaja

Veiramuote Stepce – Zofija Ritiņa

Vija /Domis meita/- Antoņina Pitkeviča

Jezups /Vijis veirs/ – Edgars Rancāns

Juoņs /Jezupa bruoļs/ – Edgars Puksts

Lilita /Jezupa muosa/- Ineta Tarasova

Ļiva /siebrineica/ – Inta Ostrovska

Alberts / sābris / – Oskars Vilciņš

Mozbārni – Agnese Patmalniece i Roberts Rancāns

Mare/siebrineica/ -Aina Jurdža

Pīters /sābris/ – Jānis Kašs

Jurs – Fēlikss Palms

Jugita – Iveta Jegorova

Artūrs – Mārtiņš Vorkalis

Aldis – Kaspars Šakins

 

Izruodi voda i suflej -Vilhelmīne Karziņina

Režisoriskais redziejums – Ināra Rasima

Skona operatori – Modris Karpovs,Toms Barkāns, Beāte Karpova, Guntis Rasims

Izruodē izmontuoti „Saļņovys Muzykantu” īroksti

 

Īeja iz vysom treis daļom – vīns lateņš (Ls 1,00).

 

 

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]