21. aprelī vysā Latvejā ļauds čakli struoduoja i pīsadalieja Lelajā Tolkā, nu Rēzeknis nūvoda Pušā piec tolkys tik suocās ļustis – bārzu īskautā izkaļneņā pi pogosta sātys nūtyka Putynu sagaideišonys i sulu svātki. Svātkus īskandynuoja Ūzulmuižys folklorys kūpa „Ūzuleni” Marejis Andinis vadeibā. Folklorys kūpa na viņ azartiski i skaneigi dzīduoja, nu stuostieja ari ļusteigus stuostuos iz dzeivis, aicynuoja iz sadoncuošonu i īšonu rūtaļuos. Pasuocīņa dalinīki varieja izbaudeit ari bārzu sulys, pavasara buoli i cytus gordumus. Laiks ļusteituojim paskrieja namonūt – prīcojūtīs par sauleiti, „Ūzuleņu” snīgumu i kūpā pavadeitū laiku. LaKuGys skaiteituojim ari ir īspieja īsaviert itymā apreļa piecpušdīnē Pušā.

Sagatavieja Silvija Pīgožne