Sprukuļu saimis koncerts Bolvūs

Sprukuļu saimis koncerts Bolvūs
4. majā 17:00 Bolvu Kulturys i atpyutys centrā byus Latvejis Republikys Naatkareibys atjaunuošonys dīnai veļteits koncerts, kurā ar programu „Kod saime dzīž…” izastuos Sprukuļu saime nu Vileks i šova deju grupa „LEO” nu Bolvim.

Sprukuļu saime leluoku popularitati īgive pīsadolūt LNT šovā „Dzīdūšuos saimis”, kurā īgiva catūrtū vītu.

14. aprelī Sprukuļu saime snīdze koncertu Vilekts Kulturys nomā, kura zals beja puorpiļdeits gon nu tyvuokom, gon tuoļuokom vītom sabraukušim klauseituojim. Koncerta laikā skanieja dzīsmis, kas beja dzierdātys jau TV šova laikā, gon ari jaunys. Taipat dzīdūšuos saimis dalinīki Intars, Juoņs, Edgars, Muora , Sandra i Ingrīda dalejuos sovūs īpsaidūs i stuostūs par daleibu TV šovā. Saguojušūs ar energiskom dejom prīcieja ari šovdeju grupys „LEO” mārgys.

Vysu leluokū skateituoju atzineibu, kai i varātu dūmuot, izapeļnieja Juoņa Sprukuļa dzīsme ar Martys Bārbalis vuordim – „Latgalīte”, kurei izskanieja kai tuo vokora himna – stuovūt kuojuos dzīsmi leidza dzīduoja ari vysi skateituoji.

Tim, kas nabeja Vilekī, niu ir īspieja koncerta emocejuos pabyut Bolvūs. Īeja iz pasuocīni ir bez moksys.

Sprukuļu saime – Tuoli dzeivoj muna meiluo

 Informaceja nu Vileks i Bolvu nūvodu sātys lopom

Print Friendly, PDF & Email

Komentari

Kalenders

Mar
28
Cat
18:30 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 28 @ 18:30 – 20:00
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
19:00 Grupys “Galaktika” albuma prezen... @ CATA kulturys noms
Grupys “Galaktika” albuma prezen... @ CATA kulturys noms
Mar 28 @ 19:00 – 21:00
2024. gods zīmā i pavasarī – nu janvara da apreļa – popularuo šlagermuzykys grupa “Galaktika” dūsīs Latvejis koncerttūrē, kurys laikā tiks prezentāts ari jaunais albums “Mums pieder tik daudz”. Koncerti nūtiks gondreiž vysu Latvejis piļsātu[...]