Keramiķu Dundenīku izstuode Bolvu nūvoda muzejā

Keramiķu Dundenīku izstuode Bolvu nūvoda muzejā

Bolvu nūvoda muzejā apsaverama Bolvu nūvoda (ari bejušuo rajona teritorejā) vīneigūs profesionalūs keramiķu Jolantys i Valda Dundenīku dorbu izstuode, i ari LaKuGys skaiteituojim pīduovojam īspieju virtuali apsavērt izstuodi.

Jolanta i Valdis Dundenīki dzeivoj Bolvu nūvoda Bierzpilī Dundenīki ir muokslenīki, kas sagloboj autentiskū Latgolys keramikys nūslāpumu, na īt modernuos keramikys celi.

Jolanta Dundenīce dzymuse 1967. godā Bolvu nūvoda Bierzpilī. Vuicejusīs Bierzpiļs vydsškolā, pie kuruos turpynuojuse Rēzeknis lītišķuos muokslys vydsškolys keramikys nūdaļā. Nu 1996. da 1999. godam vuicejusīs Latvejis Muokslys akademejis Latgolys filialē.

Valdis Dundenīks dzims 1965. godā. Piec Bierzpiļs vydsškolys i Malnovys lauksaimnīceibys tehnikuma beigšonys, Valdis apgive pūdnīceibys pamatus keramiķa Pītera Iruka darbneicā. Sovu rodūšū darbeibu izsuoka 1987. godā, izceļūt sovu keramikys cepli Bierzpiļs pogosta Saksmolā.

Dundenīku dorbi bejuši izstuodeiti daudzi i dažaiduos izstuodēs i pasuocīņūs. 2000. godā par keramikim sataiseita kina „Vāpes dziesma”.

3. majā 15:00 Bierzpiļs Saīta nomā tiks atkluota tautys daiļomota meistaru Jolantys i Valda Dundenīku i Bierzpiļs vydsškolys keramikys puļceņa dorbu izstuodis atkluošona. Izstuode byus apsaverama da 31. maja.

 

Galerejā – izstuode Bolvu nūvoda muzejā

Kartenis – foto Edeite Husare/LaKuGa

Print Friendly, PDF & Email

Nūtikšonu kalendars

Nov
30
Tre
vysu dīnu Izstuode “Trīs no “Osīšiem”” @ Latgolys Centraluo biblioteka
Izstuode “Trīs no “Osīšiem”” @ Latgolys Centraluo biblioteka
Nov 30 vysu dīnu
Leidz 30. novembram Latgolys Centraluos bibliotekys Daiļliteraturys sektorā apsaverama Guru saimis gleznu izstuode “Trīs no “Osīšiem”. Ekspozicejis autoris dažu godu laikā kruoja muokslys dorbus, nu kurūs daudzi jau ir sajāmuši atzineibu ari cytuos izstuodēs. Skateituojam[...]