Katuoļu studentu dīnys 2012

Katuoļu studentu dīnys 2012
Ituo goda 11. i 12. majā Reigā jau catūrtū reizi nūtiks Katuoļu studentus dīnys, kuruos reikoj Reigys Augstuokūs religejis zynuotņu instituts (RARZI), Reigys Teologejis instituts (Gareigais seminars) i latvīšu katuoļu studentu i akademiķu apvīneiba „Dzintars”. Itūgod svātki nūtiks Reigys Katuoļu gimnazejā, Sv. Jākuba katedralē i RARZI studeju ustobuos Mozajā Piļs īlā 2.

Katuoļu studentu dīnu devīze itymā godā ir „Byut, zynuot, gribēt Kunga gaismā!”. Pasuocīņa mierkis ir, pyrmom kuortom, apzynuot i apvīnuot Latvejis katuoļu studentus i pasnīdziejus naatkareigi nu augstškolys, kū kotrs puorstuov, kai ari īsaisteit katuoliskū inteligenci. Nu Katuoļu studentu dīnuos aicynuoti pīsadaleit vysi interesenti – na viņ studenti i pasnīdzieji, nu ari tūpūšī studenti, absolventi, akademiki i cyti – vysi, kurī grib vīnuotīs sadraudzeibā i lyugšonā, zynuošonuos i kulturā, i kūpā prīcuotīs Kunga Jezus gaismā!

Katuoļu studentu dīnu 2012 programa:

11. majs – pyrmuo dīna veļteita lyugšonai, sadraudzeibai i taidom kulturys izpausmem kai muzyka, vizualuo muoksla i sports. Itūgod kulturys daļa nūtiks Reigys Katuoļu gimnazejā i suoksīs ar Vesperem 17:00, piečuok byus svātku koncerts i dīnys golā 22:15 kompletoreja lyugšona.

12. majs – īspieja pasadaleit ar zynuošonom. Tymā īkļautys katuoliskuos izgleiteibys pamatsferys – teologiskuo, humanitaruo, socialuo i pastoraluo. Ūtruos dīnys suokums ir Katuoļu studentu dīnu centralais nūtykums – Latvejis katuoļu veiskupu koncelebrāts Sv. Mišs Sv. Jākuba katedralē 10:00, piečuok – akademiskuo konference Mozajā Piļs īlā 2, kas nūsaslēgs ar Katuoļu studentu dīnu kūpsavylkumu RARZi studeju ustobuos, Sv. Akvinys Tūma zalā 17:00.

Interesentim ir īspieja ar sovu referatu pīsadaleit akademiskajā konferencē, da 8. majam īsnādzūt dasacejuma anketu.

Pyrmuos Katuoļu studentu dīnys nūtyka 2009. godā kai sadraudzeibys pasuocīņs storp Gareiguo seminara i RARZI studentim, nu laika gaitā sadraudzeibys svātki pasaplašynuojuši.

Iz Katuoļu studentu dīnom aicynuots kotrs – nasaverūt iz tū, ci gribi byut aktivs dalinīks, ci tik nūvāruotuojs.

Vaira dazynuošonai verīs: www.rarzi.lv

Print Friendly, PDF & Email

Kalenders

Apr
25
Cat
11:00 Festivals “Steigys” @ Juoņa Ivanova Rēzeknis muzykys vydsškola
Festivals “Steigys” @ Juoņa Ivanova Rēzeknis muzykys vydsškola
Apr 25 @ 11:00 – 17:00
Festivals "Steigys" @ Juoņa Ivanova Rēzeknis muzykys vydsškola
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Apr 25 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Koncerts “Celīs, bruoļ!” @ VEF Kulturys piļs
Koncerts “Celīs, bruoļ!” @ VEF Kulturys piļs
Apr 25 @ 19:00 – 21:00
Koncertā pīsadola kai jau populari i labi pazeistami, tai i pavysam jauni, dažaidus muzykys stilus puorstuovūši muokslinīki: Juoņs Aišpurs (THE SOUND POETS), Arņs Slobožaņins (DABASU DUROVYS), Guntis Rasims i Jurs Vucāns (BEZ PVN), Jurs Ostrovskis[...]