Skaļuo doba. Edeitis Madernīcys gleznu izstuode Bolvūs

Skaļuo doba. Edeitis Madernīcys gleznu izstuode Bolvūs

Latgolā aktivi nūteik Muokslys dīnu 2012 pasuocīni. 10. majā iz nūtikšonom aicynoj ari Bolvu nūvoda muzejs.

15:00 „Īkuopšona Muokslys aplī”. Sasatikšona ar muokslenīkim – keramikim Jolantu i Valdi Dundenīkim, gleznuotuoju Edeiti Madernīci,
15:30 Muokslenīka Ilgvara Zalāna lekceja par laikmeteiguos muokslys izpausmem, Vaļsts Kulturkapitala fonda projekta „Sajiutu eksplozeja” ītvorūs,
17:00 Bolvu muokslys školys pogolmā Ilgvara Zalāna ACTION PAINTING performance – lelizmāra muokslys dorbu radeišona.

LaKuGā jau beja vareiba apsavērt virtualu Bierzpiļs pusis keramiķu Jolantys i Valda Dundenīku izstuodi Bolvu nūvoda muzejā, niu pīduovojom īspieju apsavērt gleznuotuojis Edeitis Madernīcys izstuodi „Skaļuo doba”.

Edeite Madernīce

Gleznuotuoja Edeite Madernīce dzymuse 1980. goda 30. junī Bierzpiļs pogosta „Bierzīšūs”. Vuicejusīs Bierzpiļs vydsškolā, piec kuruos īsastuojuse Rēzeknis Muokslys koledžys Gleznīceibys nūdaļā. Piec vuiceibom Rēzeknē studejis turpynuotys Latvejis Muokslys akademejā. Magistra studeju programu Gleznīceibys nūdaļā gleznuotuoja beiguse 2007. godā ar gleznu triptihu „Sapyns – ilūzeja, atkluosme, patīseiba”, kas apsaverams ari izstuodē Bolvu nūvoda muzejā.

Muokslineica pīmiņ, ka pyrmū dorbu izgleznuojuse ostoņu godu vacumā. Nūpierkuse guaša kruosys, aizguojuse iz Tūmužu sātu i izgleznuojuse saulrītu. Koč ari baba bejuse pret gleznuošonu, jei zynuojuse, ka gryb vuiceitīs taišni muokslys školā.

Pyrmuo izstuode, kuryma Edeite pīsadaliejuse, beja Suntažūs, kur bejuši izlikti dorbi nu plenera laikūs, kod vēļ vuicejusīs Rēzeknē. Vairuokys reizis bejušys izstuodis Jiurmolys muzejā, Valmīrys teatrī i cytur.

Leluoka izstuode, kurymā gleznuotuoja pīsadalejuse, bejuse Francejā jaunūs muokslenīku galerejā Parizē. Vysu vaira Edeitis dorbi apsaverami taišni grupu izstuodēs, bet vaira par izstuodem gleznuotuojai pateik pots gleznuošonys process. Edeitei rakstureiga improvizaceja i leli figurali dorbi, kurī tūp piec fotografejom.

Informaceja par gleznuotuoju nu Bolvu reģiona kulturviesturis datu bazis.

Karteņos – gleznuotuojis Edeitis Madernīcys izstuode „Skaļuo doba” Bolvu nūvoda muzejā, foto Edeite Husare /LaKuGa.

Print Friendly, PDF & Email

Komentari

Nūtikšonu kalendars

Jul
1
Pīk
20:00 Grupys “Reibums” koncerts @ "Fresh Terase"
Grupys “Reibums” koncerts @ "Fresh Terase"
Jul 1 @ 20:00 – 21:30
Grupa “Reibums” ir cālusēs Rāznys azara krostā Kaunatā Covid īrūbežuojumu laikā, kod vīneiguos izklaidis vareibys beja izklaidēt sevi pošim. Tok dalinīku saspēlis pyrmsuokumi meklejami jau lobu laiku īprīšk.   Grupa “Reibums” spielej vīnkuoršu, jautru dzeivū[...]
Jul
2
Sai
11:00 Sātys kopejneicu dīnys @ Preili, Aglyuna i Leivuons
Sātys kopejneicu dīnys @ Preili, Aglyuna i Leivuons
Jul 2 @ 11:00 – Jul 3 @ 17:00
Sātys kopejneicu dīnys @ Preili, Aglyuna i Leivuons
 
15:00 Diskuseja “Paļdis nūvodam, ka ai... @ Sarunu festivals LAMPA
Diskuseja “Paļdis nūvodam, ka ai... @ Sarunu festivals LAMPA
Jul 2 @ 15:00 – 16:00
Taišni itys Namaterialuos kuturys montuojuma centra “Upīte” vadeituoja Andra Slišāna pasceitais teikums “Paļdis nūvodam, ka aizslēdze školu!” Latgalīšu kulturys goda bolvā “Boņuks 2021”, sajemūt bolvu par izalauzšonys ustobu “Pīci panti”, ir tics par moto ituo[...]
17:00 Maltai 85 @ laukumā pi Maltys KN
Maltai 85 @ laukumā pi Maltys KN
Jul 2 @ 17:00 – 23:45
Maltai 85 @ laukumā pi Maltys KN