Annys Rancānis divejaiduo dzejis kruojuma atvieršona /Foto i audio

Annys Rancānis divejaiduo dzejis kruojuma atvieršona /Foto i audio

Vakar, leitainā 16. maja vokorā Raiņa i Aspazejis sātā Reigā speidēja literaturys saule – iz Annys Rancānis jaunuo – divejaiduo dzejūļu kruojuma oficialajim atvieršonys svātkim sasatyka latgalīšu i latvīšu literaturys cīneituoji, interesenti, entuziasti, dzejneicys draugi i tyvinīki.

Sirsneigai sasatikšonai nikuo daudzi navāga – tik Raiņa atbolsta placu aiz mugorys, Evitys Zuoleitis dzīduotys dzīsmis, sirsneigus vuordus nu leidzcylvāku i pošys Annys Rancānis skaiteitus dzejūļus. Kaida rindeņa lai teik ari LaKuGys skaiteituoju ausej.

Par tū – kai kruojums topa i par tuo divejuodū dobu varit nūsaklauseit Latvejis Radejis pyrmuos programys raidejumu „Kulturys Rondo”, kurymā gasteja poša dzejneica i kruojuma latgaliskuos dalis redaktore Ilze Sperga.

Karteņos – zibšni nu dzejūļu kruojuma atvieršonys svātkim, foto LaKuGa

Komentari