Latgola leiguos Leivuonā!

Latgola leiguos Leivuonā!
Iz kūpeigu Leigū svātku svieteišonu Latgolā aicynoj na viņ Rēzekne, nu leli svātki byus ari Leivuonā, kur Začusolā jau ūtrū godu piec kuortys sasatiks ļusteiguokī i iztureiguokī leiguotuoji.

Svātki paradzāti vairuokuos daļuos. Leiguotuojus prīcēs taidys grupys i dzīduotuoji: Inga i Normunds, „Ginc & Es”, Kaspars Antess i Dzintars Čīča, „Zeļļi” i c. Puncuļu saime, „Latgolys dāmu pops”, Jurs Ostrovskis nu grupys „Patrioti.lg”. Latvīšu popularuokuos ziņgis sadzīduot i izdoncuot paleidzēs Līpuojis teatra dzīdūšī akteri Edgars Pujāts i Marģers Eglinskis. Koncerta dalis izskaņā Lelais Leigūnakts guņkurs tiks aizdadzynuots kūpā ar Latgolys tradiceju kūpieju – folklorys kūpu „Turki”. Piečuok Zaļumbalā par dančim da reita gaismai guoduos grupys „Zenīts”, „Marčello”, „Ginc & Es”.

Biletus iz svātkim var nūpierkt „Biletu servisa” kasēs, „Statoil” benzintankūs i Leivuona Kulturys centrā, kai ari iz vītys Leigū dīnā Začusolā. Bārnim da 12 godu i cylvākim ar invaliditati īeja byus bez moksys. Taipat bez moksys Leivuonā varēs ļustēt vysys Līgys i Juoņi. Biletu cenys īprīškpuordūšonā 2,00 lati, svātku dīnā 3,00 lati.

Eipaši deļ bārnu dorbuosīs atrakceju pīpyušamuo piļsieteņa, batuts i sleidkaļneni. Kai ari byus vītejūs amatnīku i ražuotuoju produkceja, byus vareiba paraudzeit nūvoda tradicionalūs iedīņus i nūpierkt suvenirus ar Leivuona simboliku.

Vaira dazynuošonys par nūtikšononu pa telefonu 26391211.

Print Friendly, PDF & Email

Kalenders

Apr
25
Cat
11:00 Festivals “Steigys” @ Juoņa Ivanova Rēzeknis muzykys vydsškola
Festivals “Steigys” @ Juoņa Ivanova Rēzeknis muzykys vydsškola
Apr 25 @ 11:00 – 17:00
Festivals "Steigys" @ Juoņa Ivanova Rēzeknis muzykys vydsškola
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Apr 25 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Koncerts “Celīs, bruoļ!” @ VEF Kulturys piļs
Koncerts “Celīs, bruoļ!” @ VEF Kulturys piļs
Apr 25 @ 19:00 – 21:00
Koncertā pīsadola kai jau populari i labi pazeistami, tai i pavysam jauni, dažaidus muzykys stilus puorstuovūši muokslinīki: Juoņs Aišpurs (THE SOUND POETS), Arņs Slobožaņins (DABASU DUROVYS), Guntis Rasims i Jurs Vucāns (BEZ PVN), Jurs Ostrovskis[...]