Spylvynu sarunys i muzeju nakts Pušā

Spylvynu sarunys i muzeju nakts Pušā

Pyrma nedelis vysā Eiropā atzeimuoja Muzeju nakti, kurymā pīsadaleja ari Latgolys muzeji. Rēzeknis nūvoda Pušys muzejā “Radio Randeņš” itai akcejai par gūdu nūtyka “Spylvynu vokors kūpā ar psihologi Sandru Opincāni. 

19. maijā desmitūs vokorā sveču gaisma muzeju lūgūs aicynuoja iz sirds sarunom tūs, kurī grib apsastuot dzeivis skriejīnā i dziļuok īsavērt sevī i sūpluokcylvākūs, izbaudeit romantikys breineibu, vuiceitīs runuot par lītom, kas suopynoj i kas īprīcynoj. Vodūt nakts sarunys, psihologe Sandra izgaismuoja pozitivys dūmys i izjiutys, kas ļuove atsavērt pozitivom emocejom, nu kurūs palyka emocionali sylts i ārts. Mes izbaudejom juos sirds i pruota gudreibu, ituos gaismys sasmāluši, vēļ ilgi bejom ituo dvēseliskuo nūtykuma īspaidā.

Silvija Pīgožne, muzeja “Radio Randeņš” vadeituoja

Print Friendly, PDF & Email