Skanūšuo sastdīne Vilekī
2. junī 19:00 iz tradicionalajim nūvoda dzīšmu i dzigu svātkim „Skanūšuo sastdīne” aicynoj Vileks nūvods.
Ari itymā godā iz koncertu – izvadumu „Sapyni vosor’s vokorā” Vileks estradē sasatiks Vileks nūvoda pošdarbeibys kolektivi.
Nu Vileks Kulturys noma pīsadaleis dzigu kolektivi „Dēka”, „Dēkaiņi”, „Dēkaiņi” jaunuokuo grupa i „Dēkainīši”, linejdzigu grupa, vokalī ansambļi „Cansone” i „Pogas”, krīvu dzīšmu ansamblis „Sudaruška”, jaunūs gitaristu ansamblis, folklorys kūpa „Atzele” i etnografiskais ansamblis „Abrenīte”. Nu Rekovys – dzigu kolektivs „Bitīt’ matos” i Rekovys vydsškolys 9.-12. klašu dzigu kolektivs. Taipat izvadumā pīsadaleis dzīdūšuo
Sprukuļu saime, Zane i Intars. Gostūs nu Leitovys Varenys rajona brauks senioru dzigu kolektivs „Kadagys”.
Piec koncerta – izvaduma 22:00 zaļumbals ar grupu „OTTO” nu Bolvu.
