Aicynoj “Vosoruošona 2012”

Aicynoj “Vosoruošona 2012”

Ir otkol atguojuse vosora. Tys ir laiks, kod Tu, školuotuoj, na tikai atsapyutīs pec garuo dorba cielīna, bet rūni jaunys idejis, apmeklejūt kursus, kuru pīduovuojums ir pīteikami plašs.

Šūgod piec pīcu godu puortraukuma Latgalīšu volūdys, literaturys i kulturviesturis školuotuoju asociaceja organizej školuotuoju i studentu vosorys kursus – nūmetni “Vosoruošona”, kas nūtiks  Rogovkā nu 21. – 24. augustam.

Aicynojam pīsadaleit školuotuojus i studentus, kas gryb styprynuot latgaliskū pašapziņu, īpazeit Latgolys kulturmontuojumu, izstruoduot sovys muoceibu programmys un materialus, daleitīs pīredzē, satikt dūmubīdrus i vyspuor jaukus cylvākus i, prūtams, labi atsapyust i smeļtīs spāku jaunam dorba cielīņam. Šūgod kursu golvonuo tēma – latgalīšu volūdys vuiciešona školā pec jaunuo standarta i muoceibu prīkšmata latgalīšu rokstu volūda programys.

Nūdarbeibys byus latgalīšu rokstu volūdā, literaturā; īpazeisim latgalīšu rokstu volūdys standartu i programu, metodis, kai struoduot; kūpā dorbuosimēs pi muoceibu leidzekļu veiduošonys; pīsadaleisimēs diskusejā par latgalīšu volūdys vītu izgleiteibys sistemā, nūzeimi personeibys veiduošonā; tiks organizeita ekskurseja pa Nautrānu nūvoda kulturviesturiskuom vītom.

Byus daudzveideiga atpyuta. Tai kai školuotuojam ļūti svareigi sakuortuot pošam sevi jaunajam muoceibu godam, uzzynuosim, kai veseleigi dzeivuot, kai dūmuot labi. Lektori – Latvejis Universitatis , Rēzeknis Augstškolys i cyti specialisti.

Gaidom Tevi, školuotuoj, ja sovim audzieknim jau muoci saskatēt sova nūvoda boguoteibys, gaidom Tevi, ja grybi tū darēt. Kursu beiguos tiks īdūta aplīceiba.

Pīsoki sovu leidzdaleibu, aizpyldūt i syutūt dasaciešonys anketu iz e – postu: lvlksa@inbox.lv

Pīteikumus gaidom leidz  3. augustam. Daleibys moksa Ls10. ( byus kvīts, lai varātu apmoksuot)

Daleibnīkim pec pīsateikšonuos atsyuteisim seikuoku informaceju ar dīnys parādu i par vysu, kas gaida augusta dīnuos i naktīs.

Vaira dazynuošonys: Veronika Dundure (t.26481524) ; Anita Žogota (t.29159084).

ANKETA VOSORUOTUOJIM

Vuords vuordu sateik
Volūda sevi sateik
I pasauļam lobuok teik

Cylvāks cylvāku sateik
Bolss bolsu sateik
I cylvākam lobuok teik

Volūda pasauli sateik
Pasauļs cylvāku sateik
I Dīvam lobuok teik
(Leiga Rundāne)

 

 SOVVAĻNĪKS – VOSORUOŠONAI


Komentari

Kalenders

Jun
13
Pīk
18:00 Dzejis i muzykys vokors “Vysi vu... @ Latgolys viestnīceiba "Gors"
Dzejis i muzykys vokors “Vysi vu... @ Latgolys viestnīceiba "Gors"
Jun 13 @ 18:00 – 19:30
Dzejis i muzykys vokors, kurā fragmentus nu tūpūšuos gruomotys “Vysu vuordi” skaiteis latgalīšu literaruo andergraunda puorstuovs, multimuokslinīks Raibīs, bet dzīsmis nu albuma “Negaidīti varoņi” atskaņuos myusu dīnu tautys muzykys grupa “Nielslens Lielsliens”. Grupys koncerti izaceļ[...]
18:30 Izruode “Gaisma, es tevi dzirdu” @ Latvejis Leļu teatris
Izruode “Gaisma, es tevi dzirdu” @ Latvejis Leļu teatris
Jun 13 @ 18:30 – 20:00
Dokumentaluo taustive. Treis jaunys mārgys īvad myus sovā naīraudzeitā pasaulī – kai juos redz lītys, nūtikšonys i attīceibys tympus ocu, kū juos pīredz, sasateikūt ar cylvākim, kuri naredz, nagrib redzēt voi pat naīredz. Juos stuosta,[...]
Jun
15
Svā
all-day Izstuode “Latgales grāmatniecība... @ Rēzeknis Centraluo biblioteka
Izstuode “Latgales grāmatniecība... @ Rēzeknis Centraluo biblioteka
Jun 15 all-day
Rēzeknis Centraluos bibliotekys laseitovā da 15. juņa apsaverama izstuode “Latgales grāmatniecības plaukums un ceļš trimdā”, kurā var īpasazeit ar nūvodpietnīceibys materialim par Vladislava Luoča izdevnīceibu, kai ari tamā topušajim dorbim.