Dobys koncertzals itūgod ari Latgolā!

Dobys koncertzals itūgod ari Latgolā!

Kasgadejais muzykys, muokslys i dobys projekts „Dobys koncertzals” (Dabas koncertzāle) 30. junī pyrmū reizi izskanēs Latgolys pusē – Daugovpiļs nūvoda Demenis pogostā.  

Koncerta vītu izraudzeja ituo pasuokuma golvonais varūņs sorkonais guņsrupucs (Bombina bombina), kurs Latvejis teritorejā atrūnams pošā dīnvidu pīrūbežā Bauskys i Daugovpiļs nūvodūs. Ituo aizsorgojamuo obinīka, kas tulkojumā nu latiņu volūdys nozeimei „tīkai skanūšs”, vokaluos prasmis īdvesmuoja koncerta reikuotuojus programā dalikt tīkai skanūšu operys izruodi. Kai stuosta muzykys producents i vins nu projekta autorim Ingus Ulmanis itūgod koncerts byušūt sovpateigs ar tū, ka programai varuok kluot ir guojuse akademiskuo i klasyskuo muzyka.

Koncerts byus bez moksys i suoksīs 19.00. Koncerta dalinīki 15 dažaiduos darbneicuos varēs vērtīs sorkonuo guņsrupuča atteisteibu, suocūt nu kurkuļa leidz pīaugušam obinīkam. Dobys koncertzalā, kai īrosts muzicēs Ingus Ulmanis, Aigars Voitišķis, Kaspars Tobis, Andris Sējāns, Valdis i Rūta Muktupāveli i Anrijs Grinbergs.

Projekts „Dobys koncertzals” nūteik jau 7 godus pēc kuortys. Viņūgod koncerta tema tyka pīkuortuota iudiņa augam „Pūšļu fukam”.

Itymā reizē „Dobys koncertzals” atbraukušūs eipaši aicynoj pasakavēt itymā tuolajā Latvejis nūvodā ilguok i izbaudeit vysu treju vaļstu – Latvejis, Lītovys i Boltkrīvejis – rūbežu krystpunktā radzamū. Taipat drūšeibys deļ organizatori aicynoj koncerta apmaklātuojis pajimt leidza pasis ci kaidus cytus personu aplīcynojūšus dokumentus.

Vaira par “Dobys koncertzalu” verīs ITE

Sagatavieja Zane Bramane, Daugovpiļs Universitatis studente

Karteņuos – Dobys koncertzala presis konference Daugovpilī, autoris foto

Kalenders

Jul
11
Pīk
19:00 Izruode “Mazpiļsāta” @ Saldus Kolnsātys parks
Izruode “Mazpiļsāta” @ Saldus Kolnsātys parks
Jul 11 @ 19:00 – 21:00
“Pannas Teātris” skateituojim pīduovoj izruodi – slovonuokuos myusu dīnu Latgolys lugu autoris Danskovītis jaunuokū komedeju. Izruodis režisors Juris Rijnieks liks akterim Zanei Daudziņai, Aldim Siliņam, Elīnai Vānei, Jānim Skanim voi Jurim Lisneram runuot ari latgaliski[...]
Jul
12
Sai
all-day Rāznys Nacionaluo parka Ceļuotuo... @ Rāznys Nacionalais parks
Rāznys Nacionaluo parka Ceļuotuo... @ Rāznys Nacionalais parks
Jul 12 – Jul 13 all-day
Ar pasuokumu programu var īpasazeit ITE.
15:00 Muokslys pikniks @ Lūznovys muiža
Muokslys pikniks @ Lūznovys muiža
Jul 12 @ 15:00 – 22:00
Lūznovys muižys kompleksā i muižys parkā rodūšuma i garšu meistardarbneicys, izruodis, izstuodis, koncerti, pleners i cytys rodūšuos aktivitatis. Muzicēs: Baļtejis muosys (Latveja/Igauneja/Leitova), UZVARAS BULVĀRIS, NIKA GANGA (Leitova), DALUM (Koreja) i vītejuo grupa “Autobuss debesīs”.