15 muokslenīku sasatikšona Rēzeknē

15 muokslenīku sasatikšona Rēzeknē
8. junī 16:00 Latgolys Kulturviesturis muzejā (Atbreivuošonys alejā 102, Rēzeknē) tiks atkluota izstuode „skolAAugstskola”, kurā sasatiks 15 autori, kuri beiguši Rēzeknis muokslys vydsškolu i Latvejis Muokslys akademeju. Autori ar itū izstuodi atsauks pīmiņā vītu i nūtikšonys muokslys izgleiteibys suoku punktā Rēzeknē.

15 autori – Līga Skariņa, Sarmīte Māliņa, Andris Silapēters, Dainis Pundurs, Norberts Kudiņš, Mārtiņš Mālnieks, Sergejs Bļinovs, Rinalds Slaviks, Normunds Dāvids, Lauris Rutks, Modris Svilāns, Rolands Krutovs, Nauris Skrastiņš, Aiga Šabliko, Vladislavs Čistjakovs – ir muokslenīki ar pīredzi kotrs sovā muokslys sferā, nu vysus vīnoj atminis par studejom Rēzeknē.

Pyrma kaida laika poši beiguši, nu itūšaļt daudzi nu jim struodoj kai pedagogi Rēzeknis Muokslys i dizaina vydsškolā i Latvejis Muokslys akademejā, daudzi ir pīsadalejuši izstuodēs na viņ Latvejā, nu ari Eiropā, daudzi ar sovim muokslys dorbim ir pīsadalejuši radūšajūs konkursūs i sajiemuši gūdalguotys vītys.

Jūs dzymtuos vītys ir Rēzeknis, Kruoslovys, Jākubpiļs, Modyunis apleicīne i Reiga, jei ir dažaida vacuma i kotrs ar sovu pasauļs redziejumu, jūs radūšuo ideju realizaceja izapauž vysudažaiduokajuos metalmuokslys, keramikys, tekstila i gleznīceibys dorbūs, jī ir profesionali.

Izstuode ir apsaverama: trešdiņ, catūrtdiņ, pīktdiņ – 11:00-18:00, sastdiņ – 10:00-16:00, svātdiņ – 10:00-15:00, pyrmūdiņ, ūtrdiņ – slāgta.

Īejis moksa izstuodē: školānim i studentim 0,20 Ls, pīaugušajim 0,40 Ls, pyrma školys vacuma bārnim – breiva.

Sagatavieja Maija Upeniece, Latgolys Kulturviesturis muzejs

Karteņā: Līga Skariņa „Boltuo meditaceja”, publicitatis karteņa. 

Print Friendly, PDF & Email

Kalenders

Jun
19
Tre
13:00 Latgolys muzykys i muokslys vyds... @ Latgolys viestnīceiba "Gors"
Latgolys muzykys i muokslys vyds... @ Latgolys viestnīceiba "Gors"
Jun 19 @ 13:00 – 15:00
Marts Dreļs – Koncertprograma “Cikliskās pārdomas”. Marts muzykali īsatekmiejs nu tautys, džeza i akademiskuos muzykys. Koncertā izskanēs div Marta Dreļa originalkompozicejis: “Aiz stūra” i “Kādā veidā?”. Marta muzykalī celi nuokūtnē vess iz Kopenhagenu, kur jis[...]
Jun
20
Cat
15:00 Etnografejis izstuodis “Atpakaļ ... @ Daugovpiļs Nūvodpietnīceibys i muokslys muzejs
Etnografejis izstuodis “Atpakaļ ... @ Daugovpiļs Nūvodpietnīceibys i muokslys muzejs
Jun 20 @ 15:00 – 16:30
20. junī 15.00 stuņdēs Daugovpiļs Nūvodpietnīceibys i muokslys muzejā tiks atkluota etnografejis izstuode nu muzeja kruojuma “Atpakaļ mājās”. Izstuodē eksponāti autentiski prīškmati, kas tyka lītuoti 20. g. s. pyrmajā pusē – dorbareiki, sadzeivis prīškmati. Etnografejis[...]