Vysu juņa mienesi Leivuonā, Latgolys muokslys i amatnīceibys centra (Dūmis īlā 1) lelajā izstuožu zalā apsaverama Latgolys muokslenīku dorbu izstuode „Latgolys jiura”, kurys ideja rodusīs leidza ar Latvejis Muzeju nakts 2012 devizi „Zyluo kruosa – jiura”.

Izstuode ir par iudinim agrā reita stuņdē, tveiceigā pušdīnis laikā ci vālā vokorā. Izstuode ir par zylū kruosu i tuos niansem myusu kasdīnā. Izstuode ir ari par jiuru, Rāznys azaru i cytom iudiņa tilpem.  Itei izstuode ir kai atbiļde iz vaicuojumu  – kai tod jiuru radz tī ļauds, kurī dzeivoj nu tuos puora symtu kilometru attuolumā – kaida ir jiura latgalīša, Latgolys muokslenīka acim.

Izstuodē apsaverami 29 Latgolys muokslenīku dorbi. Ar dorbim pīsadola: Vēsma Ušpele, Andris Misāns, Daina Sproģe, Viktorija Rustamova, Kristaps Višs, Agra Ritiņa, Laura Kundziņa, Kristīne Igovena, Dana Zelča, Dārta Hapanioneka, Pāvels Ostapcevs, Vladimirs Serkovs, Aivis Pīzelis, Anatolijs Zelčs, Laima Birzniece, Jānis Anspoks, Inga Onževa, Vija Stupāne, Alīna Petkūne, Nataļja Marinoha, Māris Čačka, Una Gura, Ludmila Procenko, Sandra Poplavska, Inga Salmiņa, Ilze Griezāne, Svetlana Kuļgajeva, Mihails Kuļgajevs, Jeļena Kuļgajeva.

Interesenti „Latgolys jiuru” Leivuonā vēļ var apsavērt da 30. juņa.

Karteņā – izstuode “Latgolys jiura”, publicitatis foto

Latgolys Regionaluos televizejis sižets par izstuodi „Latgolys jiura” Leivuonā