Kuorsovā nūtiks seminars jaunajim uzjiemiejim

Kuorsovā nūtiks seminars jaunajim uzjiemiejim

Kuorsovys nūvoda dūmis konfereņču zalā ituo goda 16. junī nūtiks uzjiemiejdarbeibys seminars „Ir ideja? Naguli! Apsteigs!”. Seminaru reikoj Jaunīšu konsultativuo padūme i Jaunīšu centrs ”Pūga”, ituos iniciativys mierkis ir īdrūsynuot jaunīšus tikt par uzjiemiejim, īpazeistynojūt jūs ar uzjiemiejdarbeibys aizkulisem i snīdzūt informaceju uzjiemiejdarbeibys suokšonys praktiskajūs vaicuojumūs.

Seminara mierkis ir styprynuot Latgolys jaunūs uzjāmumu kapacitati i sekmēt uzjiemiejdarbeibys atteisteibu Latgolā. Pasuocīnī byus īspiejams sajimt mentoru, pīredziejušu uzjāmumu vadeituoju i specialistu, praktiskūs padūmus i jaunu redzīni iz uzjiemiejdarbeibys attīsteibys īspiejom Latgolā. Par īspiejom stuosteis vaļsts sektora puorstuovi nu Latgolys Regiona attīsteibys agenturys, Vaļsts Lauku teikla i Rēzeknis biznesa inkubatora “Ideju vīsneica”.

Seminara programa

10:40 īsarasšona
11:00 seminara atkluošona
Vuords “Pūgys” prīšksādātuojam Juram Vorkaļam i Kuorsovys nūvoda dūmis prīkšsādātojai Inārai Silickai

Īmesli biznesa suokšonai. Pyrmī sūli, klaidys i veiksmis. Īsacejumi.
11:10 – 11:25 uzjiemiejs Agris Zīmeļs
11:25 – 11:40 vaicuojumi, diskuseja
11:40 – 11:55 Andris Ļubka,  zemnīku saimisteiba “Lūsēni”
11:55 – 12:05 vaicuojumi, diskuseja
12:05 – 12:20 Valentina Kirsanova,  zemnīku saimisteiba “Zelta sala”
12:20 – 12:30 vaicuojumi, diskuseja
12:30 – 12:45 kopeja pauze

Nuokūtnis vīzeja par Latgolys uzjiemiejdarbeibu. Pīredze, veiksmeiguokuos idejis. Statistika. Jaunīšu īspiejis.
12:45 – 13:00 Māris Bozovičs, Latgolys Regiona atteisteibys agenturys direktors
13:00 – 13:10 vaicuojumi, diskuseja
13:10 – 13:25 Māris Igavens, Rēzeknis biznesa inkubatora direktors
13:25 – 13:35 vaicuojumi, diskuseja
13:35 – 12:50 Vaļsts lauku teikla puorstuovs Juoņs Krivtežs i lauku konsultante Antonina Babāne
13:50 – 14:00 vaicuojumi, diskuseja

Vaicuojumi un preciziejumi pa e-postu: biedriba.puga@gmail.com

Print Friendly, PDF & Email

Nūtikšonu kalendars

Jun
9
Pīk
all-day Sarunu festivals LAMPA @ Ciesis
Sarunu festivals LAMPA @ Ciesis
Jun 9 – Jun 10 all-day
Itymā nedeļgolā, 9. i 10. junī, Ciesīs nūtiks sarunu festivals LAMPA, kurā sarunu, diskuseju i cytu nūtikšonu vydā 10. junī Regionu skotivē nu 17.30 da 19.00 iz pasuokumu “Šudiņ vakareņuos “Latgolys zylūņs”!” aicynoj ari Latvejis[...]
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Jun 9 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]