Saulgrīžu laikā gostūs gaideis Lelais latgaļu tiergs

Saulgrīžu laikā gostūs gaideis Lelais latgaļu tiergs

Pošā Juoņu laikā itymā godā īkreit ari Leluo latgaļu tierga laiks Ludzā. Iz tradicionalū tiergu Ludzys pilskolnā 22. i 23. junī aicynoj „Ludzys amatnīku centrs”.

Pyrmū reizi Lelais latgaļu tiergs nūtyka 2009. godā i niu ir klivs par svareigu Ludzys i Latgolys nūtykumu. Itymā godā tierga apmaklātuoji aicynuoti dorbuotīs dzeivuos arheologejis vidis darbneicuos kūpā ar latgalim i gostim nu Vuocejis, Boltkrīvejis i Lītovys – keltim, krivičim, leišim i suomugrim, apsavērt paraugdemostriejumus, puorbaudeit sovu izveiceibu karaveira orūdā, varēs izzinuot jaunu informaceju par sovim seņčim – kai dzeivuoja, kū zynuoja, kū prota i ar kū nūsadorbuoja senī latgali. Taipat varēs pīsadaleit saulgrīžu tradicejuos. Juoņus īleiguos folklorys kūpys „Egle”, „Isnauda”, „Rīkšova”, „Atvasītes” i c.

Tierga programa:

22. juņs

12.00 – LIELUO LATGAĻU TIERGA atkluošona
12.10 – Svātkus īkandynuos mozī doncuotuoji i dzīduotuoji nu kūpys „Atvasītes”
12.30, 13.30, 14.30, 15.30, 16.30,17.30 – senejūs orūdu paraugdemonstriejumu – dzejs kruosuošona, dīgu apgieba izgataveišona, laivu, zvejis teiklu, karūšu, trauku izgataveišona, karaveira i mednīka īrūči i bruņu izgataveišona, veikleibys saceņseibys i īspieja paraudzeit sovu rūku lūku šaušonā i c. veiru cīneiguos nūdorbēs
13.00,14.00,15.00,16.00, 17.00 – folklorys kūpu Saulgrīžu dzīsmis i stuosti par senejūs latgaļu tradicejom
18.00-19.30 – senejūs latgaļu ceiņu paraugdemostriejumi „Kroma kolna brolistes” izpiļdiejumā
19.30-20.00 – senejuos kūka piļs ījimšona – šovs
20.00-22.00 – Saulgrīžu sagaideišona piec senejuo Guņs rita Medņevys folklorys kūpys „Egle” izpiļdiejumā

23. juņs

10.00 – svātku īleiguošona ar Ņukšu folklorys kūpu „Rīkšova”
10.30, 11.30 12.30 – vidis darbneicys, Dobys školys stuosti
11.00, 12.00 – leiguošona kūpā ar muzykantim i folklorys kūpom
13.00 – svātku nūslāgums

Vaira dazynuošonys – Ludzys amatnīku centrā, pa telefonu 29467925, pa epostu ligakondrate@inbox.lv i www.ludzasamatnieki.lv

Karteņa – nu Ludzys nūvoda sātyslopys

Print Friendly, PDF & Email

Komentari

Nūtikšonu kalendars

Sep
29
Cat
15:00 Viesturis šaļteņu pītura “Latvij... @ Latgolys Kulturviesturis muzejs
Viesturis šaļteņu pītura “Latvij... @ Latgolys Kulturviesturis muzejs
Sep 29 @ 15:00 – 17:00
Itūšaļt Latvejā ir pyrma vieliešonu laiks, kod pylsūni lem, par kuru nu deputatu kandidatu sarokstim atdūt sovu bolsu. Ari pyrma 100 godu 1922. goda 7. i 8. oktobrī riezeknīši, kai ari vysys Latgolys i Latvejis[...]
Sep
30
Pīk
11:30 Saruna par Pēteri Martinsonu @ tīšsaistē
Saruna par Pēteri Martinsonu @ tīšsaistē
Sep 30 @ 11:30 – 13:00
Saruna par Pēteri Martinsonu @ tīšsaistē
J. Soikāna Ludzys muokslys škola aicynoj pīsasaceit iz seminaru, kurā Imants Klīdzējs (Mg.art, LMA doktorants, Salacgreivys muokslys školys direktors) stuosteis par muokslinīku, keramiki, arhitektu Pēteri Martinsonu. Pīsasaceit var ITE.