Byus 5. storptautyskuo latgalistikys konfereņce

Byus 5. storptautyskuo latgalistikys konfereņce

Reigā, 2012. goda 5. i 6. oktobrī nūtiks 5. storptautyskuo latgalistikys konfereņce, kas veļteita Mikeļa Bukša symtgadei.

Latgalistikys konference nūtiks Latvejis Universitatis Humanitarūs zynuotņu fakultatē. Tymā aicynuoti pīsadaleit baltu volūdu viesturis i dialektologejis, baltu tautu viesturis i etnologejis, etnolingvistikys, literaturys viesturis i cytu ar konfereņcis tematim saisteitu zynuotņu nūzaru pietnīki i interesenti.

Konferencē viereiba tiks pīvārsta itaidim tematim:
— latgalīšu volūdys teritorialuo daudzveideiba cytu baltu volūdu koņtekstā;
— baltu etniskuo viesture;
— aktuali latgalīšu volūdys kūpšonys i teoretiskuo aproksta vaicuojumi;
— latgalīšu literatura i juos atteisteiba.

Konferencis organizacejis komitejā dorbojās Lideja Leikuma (Latvejis Universitate) — koordinatore, Aleksejs Andronovs (Sanktpīterburgys Vaļsts universitate), Nikole Naua (Nicole Nau) (Adama Mickeviča universitate Poznaņā), Ilga Šuplinska (Rēzeknis Augstškola).

Pīsasacejumus konfereņcei (pīsasacejuma anketu i referata kūpsavylkumu da 300 vuordu) atsyuteit elektroniski da 2012. goda 20. augusta iz adresa: lleikuma@inbox.lv.

Paziņuojums par pīsasacejuma pījimšonu voi napījimšonu tiks izsyuteits da 2012. goda 3. septembra.

Konfereņcis dorba volūdys — latgalīšu, latvīšu, lītaunīku, vuocu, angļu, krīvu.
Izastuošonys garums — 30 min.: 20 min. — referats, 10 min. — diskusejis.
Konfereņcis daleibys moksa — Ls 20.

Pīsacejuma anketa

Komentari

Kalenders

Jul
15
Ūtr
19:00 Leivuona piļsātys svātki @ Leivuons
Leivuona piļsātys svātki @ Leivuons
Jul 15 @ 19:00 – Jul 19 @ 23:45
Ar pylnu svātku programu var īpasazeit ITE.
Jul
17
Cat
19:00 Izruode “Mazpiļsāta” @ "Ulbrokas pērle"
Izruode “Mazpiļsāta” @ "Ulbrokas pērle"
Jul 17 @ 19:00 – 21:00
“Pannas Teātris” skateituojim pīduovoj izruodi – slovonuokuos myusu dīnu Latgolys lugu autoris Danskovītis jaunuokū komedeju. Izruodis režisors Juris Rijnieks liks akterim Zanei Daudziņai, Aldim Siliņam, Elīnai Vānei, Jānim Skanim voi Jurim Lisneram runuot ari latgaliski[...]