Nagļu bazneicai – 150

Nagļu bazneicai – 150

Šudiņ ar Sv. Mišu Nagļūs teik gūdynuota Nagļu bazneica tuos 150 godu jubilejā.

Nagļu Sv. Juoņa Kristeituoja Rūmys katuoļu bazneicu 1862. godā cieļs muižkunds Nābels. Kūka bazneica Nagļūs bejuse jau 18. godu symta vydā i tū apkolpuojuši bernadīšu myuki nu Viļānu. Jaunuo myura bazneica nu suoku bejuse Viļānu filialbazneica.

Nagļu bazneica ir nalela akmiņu āka – nu uora apmasta kaļkim i javā liktys akmiņu škambys. Ari nu īškys apmasta da grīstu. Grīsti taišni sagti, greida nu camanta flīzem. Bazneicā ir kora ustobys, kas bolstuos iz divejim pilarim, taipat nalelys varganis i ari harmonejs, kurī

sataiseiti jau 1873. godā. Lelajā oltorā ir suopju Dīvmuotis obrozs. Aiz dīvgola ir suonu oltori – pa keirai rūkai Kristus cīšonu oltors ar krystu, nu lobajā pusē Dīvmuotis obrozs. Bazneicā ir ari krystaceļa obrozi i svātuo Luksasa statuja.

Par Nagļu draudzi i banzeicys jubileja skaiti Genovefys Mežulis rokstā žurnala “Katōļu Dzeive” maja numerā (18.-19. puslopā)

Informaceja nu Nagļu pogosta sātyslopys


Karteņā – Nagļu Sv. Juoņa Kristeituoja Rūmys katuoļu bazneica, foto Edeite Husare

Kalenders

May
17
Sai
all-day Anatolija Zelča izstuode “61. ki... @ Latgolys Kulturviesturis muzejs
Anatolija Zelča izstuode “61. ki... @ Latgolys Kulturviesturis muzejs
May 17 all-day
Gleznuotuojs, Latvejis Muokslys akademejis Latgolys filialis docents Anatolijs Zelčs rodūšajā darbeibā puorsvorā zynoms kai portreta i figuraluos gleznīceibys žanra puorstuovs, realismu savynūt ar robustu materialitati, smolku detalizaceju i sarkastisku ironeju. Tok itūreiz izstuodē “61. kilometrs”[...]
all-day Izstuode “Paātrinājums” @ Jaunbyuvis biblioteka
Izstuode “Paātrinājums” @ Jaunbyuvis biblioteka
May 17 all-day
Izstuodei izalaseitys sešys izcylys personeibys; kotra nu tūs puorstuov kaidu nu sešu Latvejis kulturviesturiskūs nūvodu, apzynuotai izcalta gruomatnīku darbeiba uorpus golvyspiļsātys. Gruomatnīku geografiskuos darbeibys vītys īzeimātys stilizātā Latvejis kartis konturā: Pīreiga, Puordaugova (Vilis Altbergs), Latgola[...]
11:00 Muzeju nakts @ "Zvaigzne ABC" Rēzeknis veikals
Muzeju nakts @ "Zvaigzne ABC" Rēzeknis veikals
May 17 @ 11:00 – 14:00
11.00–12.00    Meldrys Gailānis gruomotys “Kai palikt par eistynu luoci” attaiseišona. 12.00–13.00    Laura Seņkāne apgleznuos sejis ar akvagrimu. 13.00–14.00    Gasteis “Veselīgi Gardumi”.