Biruta Ūzuleņa i DJ MONSTA īlyudz iz “Multimedialu koncertu”
![Biruta Ūzuleņa i DJ MONSTA īlyudz iz “Multimedialu koncertu”](https://www.lakuga.lv/wp-content/uploads/2012/06/Biruta-Ūzuleņa_DJ-Monsta.jpg)
Dvieselisks ceļuojums vosorys pīvokarē, kod tautys muzyka, saglobojūt tuos tradicionalū muzykys goru, izskanēs pavysam jaunuos i myusdīneiguos dvasmuos. Unikals tandems – kūklātuoja i dīdžejs – ar miļzeigu pyuru kotram sovā sferā ir radejuši originalys, atmosferiski pīpiļdeitys tautys muzykys aranžejis. Muzyku papyldynuos VJ Arta Dziervis video instalacejis.
Birutys Ūzulenis i DJ Monsta aba Ulda Ceiruļa sadarbeiba aizasuoce 2010. godā, obeji radejuši ari koncertu – izruodi „Nalels gabaleņš dzeivis” (Neliels Gabaliņš Dzīves) Latvejis Nacionalajā teatrī.
Biruta Ūzuleņa tautys muzykā klauseituojim zynoma ar spylgtom latgalīšu tautys melodejom, kū raksturoj dvieselis harmonejis meklejumi i skaists pasauļa vierīņs. Biruta dzymuse Latgolā, kur nu bārnu dīnom īmontuojuse zynomys dzīduošonys tradicejis.
Īeja iz koncertu ir bez moksys.
.