14. julī Preiļu piļsātys svātku laikā nūtiks vīns nu leluokim šlagermuzykys pasuokumim Latgolā itymā vosorā.

20:00 Preiļu parka estradē piļsātys īdzeivuotuojus i gostus prīcēs skaneigs šlagermuzykys parads, kurā pīsadaleis popularys Latgolys grupys i dzīduotuoji: grupys „Galaktika”, „Ginc&Es”, „Patrioti.lg”, kai ari Santa Kasparsone i eipašī gosti – šova „Dzīdūšuos saimis” laureati – Uškānu saimis ansamblis. Dalinīku vydā byus ari dzigu studeja „Malika”.

Pasuokuma ūtrā daļā byus ļusteigs zaļumbals ar gostim – grupu „Kantoris 04”.

Biletu cenys – īprīšk puordūšonā 2,00 Ls, iz vītys 3,00 Ls.

Koncertu pīduovoj Preiļu piļsātys dūme i Preiļu piļsātys kulturys centrs.