Dreiži XII Tautys muzykantu svātki!

Dreiži XII Tautys muzykantu svātki!
2012. goda 3. i 4. augustā Viļānūs i Borkovā jau 12. reizi nūtiks Tautys muzykantu svātki.

Iz tautys muzykantu svātkim teik aicynuotys kapelys, folklorys kūpu muzicejūšuos grupys, dzīdūšuos i muzicejūšuos saimis, individualī muzykanti – vacmeistari, bārnu i jaunīšu kapelys, postfolk, etno jaunīšu grupys, cyti interesenti, kai ari muzykantu grupys nu Lītovys i Igaunejis.

Tradicionalī Tautys muzykantu svātki ir nūzeimeiguokais pasuokums tautys muzykantim – vacmeistarim, kuri nu 20. godu symta 60. godim beja napamatuoti damiersti i, leidza ar skotuviskuos muziciešonys atteisteibu, beja puortraukuši muzicēt. Svātkūs tradicionali sasateik vysu Latvejis nūvoda muzykanti – vacmeistari, pasakavej atmiņuos, kūpā muzicej i muziciešonys pīredzi nūdūd tuoļuok jaunuos paaudzis muzykantim.

3. augustā 20:00 muzykantu svātku pasuokumi paradzāti Viļānūs, Laksteigolu solā. Jaunīšu i cytu muzykantu grupu etno, postfolk muzykys grupu, kapelu, tradicionaluos intrumentaluos muzykys grupu, uorzemu gostu grupu koncerts i zaļumbals.

4. augustā nu 13:00 muzykantu – vacmeistaru meistarklasis – pīredzis apmaiņa, saspiele ar jaunajim muzykantim, 17:00 muziciešona Borkovys īluos i pogolmūs, 18:00 svātku koncerts pi Borkovys pamatškolys muorka i 20:00 večerinka svātku dalinīkim.

Dalinīku anketys aizpiļdeit i da 16. juļam aizsyuteit iz vilanu_kn@inbox.lv.

XII Tautys muzykantu svātkus organizej Tautys muzykantu bīdreiba Ivetys Dukaļskys vadeibā. Vaira dazynuošonys pa teleponu 29167594.

Spaiti – XI Tautys muzykantu svātkūs Aglyunā

Print Friendly, PDF & Email

Kalenders

Mar
30
Sai
15:00 Izruode “Divejis vyrtuvē, naskai... @ Daugovpiļs teatris
Izruode “Divejis vyrtuvē, naskai... @ Daugovpiļs teatris
Mar 30 @ 15:00 – 16:30
Izruodis pamatā ir ukraiņu dramaturga Aleksandra Mardaņa luga “Muotis i meitys” (“Дочки-матери”), lugu latgaliski tulkuojuse Kristīne Veinšteina. Tei byus gondreiž kriminala komedeja Olega Šapošnikova režejā i viesteis par div liktiņa nalutynuotom sīvītem, kurys par speiti vysim[...]
Mar
31
Svā
all-day Izstuode “Latgales keramikas stā... @ Daugovpiļs Muola muokslys centrs
Izstuode “Latgales keramikas stā... @ Daugovpiļs Muola muokslys centrs
Mar 31 all-day
Da 31. marta Daugovpiļs Muola muokslys centra izstuožu zālē apsaverama Tautys lītiškuos muokslys studejis “Latgale” izstuode “Latgales keramikas stāsti”, kurā apkūpuoti studejis lobuokī dorbi, viestej informaceja Daugovpiļs piļsātys sātyslopā. “Kotrys dorbs sovā byuteibā ir unikals i naatkuortojams, kotram[...]