Seminars nūtiks nu ituo goda 26. da 29. juļa, Vileks nūvoda Škilbanu pogosta Balkanūs.

Nūsacejumi – juoaizpiļda dasacejuma anketa i juopīroksta roksts latgaliski – interveja, foto reportaža ci cyta veida materials par regiona, nūvoda kulturys, viesturis nūtikšonu, īvārojamu personeibu, kolektivu, problemvaicuojumu ci cytu LaKuGys tematikai atbylstūšu temu (ar atļuovi publicēt sagataveitū materialu LaKuGā). Roksts juoīsnīdz latgaliski (nasabeistit par klaidom!), rokstu zeimu skaits vysmoz 2000 zeimis.

Anketa i roksts juosyuta iz e-postu info@lakuga.lv.
Daleibys moksa – 12,00 Ls.

Vosorys školu reikoj bīdreiba „Latgolys Studentu centrs” i latgalīšu kulturys gazeta www.lakuga.lv ar LR Kulturys ministrejis i Vaļsts Kulturkapitala fonda Latgolys kulturys programys atbolstu. Vaira verīs https://www.lakuga.lv/2012/06/04/pisadoli-latgalisu-rokstu-voludys-vosorys-skola-%E2%80%9Eroksti/

Seminara programa:

26. juļs – Annys dīna
Īsarašona nu 15:00
Īsapazeišona
Latgalīšu rokstu volūdys nūdarbeiba
Tematisks vokors, gosti folklorys kūpa „Rekavas dzintars”

27. juļs
Lekceja par latgalīšu rokstu volūdu (viesture, myusdīnu lītuojums)
Latgalīšu rokstu volūdys nūdarbeiba
Žurnalistikys nūdarbeiba
Fotografiešonys i foto apstruodis nūdarbeiba
Teatra vokors, gosti Baļtinovys amaterteatris “Palādas”

28. juļs
Latgalīšu rokstu volūdys nūdarbeiba
Nūvodpietnīceibys nūdarbeiba – ekskurseja
Škilbanu pogosta īvārojamim cylvākim veļteita nūdarbeiba (O. Slišāns, M. Bukšs)
Tematisks vokors, gosti Upeitis jaunīšu folklorys kūpa

29. juļs
Latgalīšu rokstu volūdys nūdarbeiba
Nūdarbeiba par škārsteikla sātys lopu, portala www.lakuga.lv, škārsteikla dīnysgruomotu i socialūs teiklu īspiejom kulturys nūtykumu regionā atspīgeļuošonai
Kūpsavylkums, seminara izviertejums
Atsavadeišona i paceli braukšona ap 15:00

Vaira informacejis info@lakuga.lv ci pa telefonu 29509672 (Edeite)