Latgolys Vargaņu dīnys 2012

Latgolys Vargaņu dīnys 2012

Nu 20. juļa da 5. augustam jau trešū godu Latgolā skanēs varganis Latgolys Vargaņu dīnuos. Festivals ir klivs par tradiceju, kas aktivi popularizej vargaņu muzyku i atbolsta instrumentu izturiešonu i apkūpšonu. Latgolys Vargaņu dīnys ir lobdareibys pasuokums – īeja vysūs koncertūs ir par pazīdim, kas itūgod tiks vuokti viesturiskū Prezmys bazneicys vargaņu restauracejai.

Ituo goda festivala programa ir plaša i inceresn: nakts koncerts Stiernīnis bazneicā, tūpūšūs varganistu koncerts Prezmā, senejuos muzykys koncerts Borkovā, kamermuzykys koncerts Aglyunā. Nūslāguma koncerts Rēzeknē byus veļteits latgalīšu komponistu muzykai. Festivala eipašais gosts ir Latvejis Nacionaluos operys soliste – Ieva Parša, kura kūpā ar varganistim Ivetu i Juoni Pelšem koncertēs Kuorsovys bazneicā, kur paraleli nūtiks ari bārnu muokslys dorbu izstuode – konkurss par lobuokū Latgolys Vargaņu dīnu logo.

Latgolys Vargaņu dīnu koncertu apmaklātuojim byus vareiba viertīs muokslenīku prīšknasumus ar video projekceju paleigu, kai ari, turpynojūt tradiceju, apsavērt instrumentu demonstrejumus tyvumā, izdūt vaicuojumus varganistim i ari pošim paraudzeit sovus spākus varganista vītā.

Festivala nūtikšonys:

20. juļī 21:00 Nakts koncerts Stiernīnis Sv. Laurenceja Rūmys katuoļu bazneicā
22. julī 20:00 Kamermuzykys koncerts Aglyunys bazilikā
29. julī 14:00 Jaunūs varganistu koncerts Prezmys Sv. Seimaņa i Judaša Rūmys katuoļu bazneicā
2. augustā 20:00 Koncerts Malnovys Jaunovys Marejis – Rūžukrūņa karalīnis Rūmys katuoļu bazneicā Kuorsovā – pīsadola Latvejis Nacionaluos operys soliste Ieva Parša i varganisti Iveta i Juoņs Pelšis
4. augustā 20:00 Senejuos muzykys koncerts Borkovys Sv. Stanislava Rūmys katuoļu bazneicā
5. augustā 15:00 Latgalīšu komponistu muzykai veļteits koncerts Rēzeknis Jezus Sirds katedralē

Pīsadola varganisti: Diāna Jaunzeme, Iveta Pelše, Juoņs Pelše, Ilze Vizule, Ilona Birģele, Larisa Carjkova, Guna Kise, Agnese Urka, Laura Reksne, Laura Struķe, Ilze Grēvele, Olita Pereca, Jana Aņisimova, Lāsma Inkina, Agnese Solozemniece i c.; kai ari solisti – Ieva Parša, Daiga Maskaļūne, Juoņs Grahoļskis, Ieva Grandāne, Zane Kurma, Einārs Everss, Normunds Litovnieks, Agnese Abramāne, Laura Šarova i c.

Rēzeknis – Aglyunys diacezē ir 116 katuoļu draudzis, kas izavītuojušs 115 bazneicuos, suocūt ar pīticeigim bazneicys vajadzeibom pīmāruotim nomim da greznom katedralem. Skonūšys, lītojamys varganis ir tik 36 bazneicuos, nu tom – 11 bazneicuos varganis ir cīši švakā stuovūklī, 18 instrumenti ir naskonūši ci demontāti i 54 bazneicuos vargaņu nav i nikod nav bejs…

Print Friendly, PDF & Email

Komentari

Nūtikšonu kalendars

Jun
30
Cat
vysu dīnu Džeinys Gavaris gleznu izstuode ... @ Maltys viesturis muzejs
Džeinys Gavaris gleznu izstuode ... @ Maltys viesturis muzejs
Jun 30 vysu dīnu
Džeinys Gavaris gleznu izstuode "Mantojums" @ Maltys viesturis muzejs
Da 30. juņa Maltys viesturis muzejā var apsavērt dzīsmineicys, gleznuotuojis i dzejneicys Džeinys Gavaris gleznu izstuodi “Mantojums”. Poša Džeina Gavare stuosta: “Izstuode ir kai turpynuojums viestei par mīlesteibu. Izstuode ir par tū, kuo „pādūs” mes[...]
Jul
1
Pīk
20:00 Grupys “Reibums” koncerts @ "Fresh Terase"
Grupys “Reibums” koncerts @ "Fresh Terase"
Jul 1 @ 20:00 – 21:30
Grupa “Reibums” ir cālusēs Rāznys azara krostā Kaunatā Covid īrūbežuojumu laikā, kod vīneiguos izklaidis vareibys beja izklaidēt sevi pošim. Tok dalinīku saspēlis pyrmsuokumi meklejami jau lobu laiku īprīšk.   Grupa “Reibums” spielej vīnkuoršu, jautru dzeivū[...]