Grupys „Mygla i draugi” video verseja dzīsmei „Vīna jauna meitiņa”

Grupys „Mygla i draugi” video verseja dzīsmei „Vīna jauna meitiņa”
Puora dīnys pyrma vosorys saulgrīžu, muzykys grupa „Mygla i draugi” kūpeigi izavieleja šmukuokuos vītys Latvejā, kurys byutu juoīmyužynoj sovys dzīsmis „Vīna jauna meitiņa” videoklipā.

Grupys „Mygla i draugi” pamatsastuovu pamatā veidoj aglyunīši, kurī jādz saskateit i nasakautrej atzeit sovu dzymtū nūvodu par lobuokū klipa taiseišonai. Tū, ka Aglyunys nūvods ir pīmāruotuokuo vīta, atzins ari videoklipa režisors i operators Juoņs Viduskalns, kurs itū vītu ir īpazins jau īprīšk, struodojūt pi video par Aglyunys nūvodu – „Spāka zeme dvēselei”.

Dzīsmis „Vīna jauna meitiņa” vuordi asūt atrosti kaidā senejā babys tautys dzīšmi kladē, nu muzykys skonūs tūs īgierbe vīnu nu grypys dalinīkim, juos mozdāls, Lauris Kokorišs. Dzīsme ituo goda februarī īraksteita Ata Auzāna studejā, nu klipa sataiseišonai vādzeja sagaideit eistuos šaļts. Dzīsmis klips atspīgeļoj kaidys mārgys i jauna puiša attīceibys, kū klipā paruoda Oļegs i Daiga Koļesničenko.

Grupa soka lelu paļdis par atbolstu klipa taiseišonā Igoram Jakovļevam, Santai Kokorišai, Albertam Pastaram, Bronislavam Veiguļam, Ingai Sprūģei, Bonifacejam Valaiņam, Andrim Valaiņam, Aivaram Bernānam, Samantai Smirnovai, Visvaldim Kurseitim, Ilzei Stabuļneicai.

Grupys dalinīki ir gondareiti par kūpeigim spākim padareitū dorbu i car iz tuoļuoku sadarbeibu i klauseituoju atsauceibu.

Print Friendly, PDF & Email

Komentari

Kalenders

Apr
13
Sai
all-day Osvalda Zvejsalnieka pīminis izs... @ Latgolys Kulturviesturis muzejs
Osvalda Zvejsalnieka pīminis izs... @ Latgolys Kulturviesturis muzejs
Apr 13 all-day
Izstuodē tiks eksponātys muokslinīka gleznys nu Latgolys Kulturviesturis muzeja Muokslys kolekcejis, kas puorsvorā atspīgeļoj juo agreimū rodūšū darbeibu 20. g. s. 70. godūs, kai ari 80. godu rodūšajā pylnbrīdā radeituos lelformata figuraluos kompozicejis i portretus.
15:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
Apr 13 @ 15:00 – 17:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]