Latgalīšu gruomotu golds byus ari leluokajuos augusta nūtikšonuos

Latgalīšu gruomotu golds byus ari leluokajuos augusta nūtikšonuos
Turpynojūt pyrma puora godu aizsuoktū, ari augusta leluokajuos Latgolys nūtikšanuos bīdreiba “Latgolys Studentu centrs” pīduovuos īspieji nūpierkt latgalīšu gruomotys i audio īrokstus.

Pīduovuotū gruomotu i īrokstu kluostā ir precis nu vysaidim latgalīšu literaturys i muzykys izdeviejim, taidā veidā ar sovu iniciativu LgSC paleidz izdeviejim vīgļuok realizēt latgaliskuos precis, kuru vydā laika gaitā ir pasaruodejušs ari dažaidi suveniri, bet interesentim ārtuok nūpierkt latgaliskū literaturu i cytys lītys, kurys kasdīnā tik vīgli i vīnuvītu navar dabuot.

Gruomotu golds dorbojuos jau divejus godus i LgSC ar tū ir pīsadalejs dažaidūs gruomotu tiergūs, koncertūs, festivalūs i cytūs pasuocīņūs.  Ituo goda augustā ceļojūšais gruomotu golds byus:

03.08.2012 – Bolvūs – muzykys festivalā “Osvalds”;
04.08.2012 – Ludzā – Ludzys 835.godu svineibom, i vokora pusē Baļtinovā – muzikys festivalu “Osvalds”;
05.08.2012 – Ludzā – Ludzys 835.godu svineibom;
06.08.2012 – Rēzeknē – latgalīšu muzykys grupu koncertā;
07.08.2012 – Rēzeknē – latgalīšu rakstnīku I dzejnīku cielīnī, gruomotu atvieršonys svātkūs;
10.08.2012 – Rēzeknē – latgalīšu muzykys grupu koncertā;
13.08. – 15.08.2012 – Aglyunā.

Gruomotu goldā byus vareiba tikt ari pi jaunuokajim latgaliskajim izdavumim – Tāvu zemis kalendera 2013. godam, Olūta Nr. 17 i cytim, kai ari jaunuokajim muzykys diskim nu grupys “Boltī luoči”, “Dziga”, “Jūlijs” i cytim.

Kasdīnā gruomotys i diskus var nūpierkt LgSC birojā Reigā – Antonejis īlā 8-3/6. Birojs atvārts trešdīnēs nu 17-20 (školys laika sezonā), cytā laikā sasazynojūt ar Latgolys Studentu centru lgsc@lgsc.lv.

Karteņa nu LgSC arhiva

Print Friendly, PDF & Email

Kalenders

May
29
Tre
18:00 “Pauls un Keišs. Vīrieši labākos... @ Muzykys noms "Daile"
“Pauls un Keišs. Vīrieši labākos... @ Muzykys noms "Daile"
May 29 @ 18:00 – 20:00
Latvīšu estradē, latvīšu teatrūs i Latvejis politiskajā dzeivē ir daudz veirīšu lobuokūs godūs. Iz skotivis byus diveji – vīns nu estradis i džeza, ūtrys nu teatra i kinys pasauļa. Tok – kotrys nu prīšknasumu var[...]
19:00 Grupys “Saucējas” koncerts i daņ... @ Reiga
Grupys “Saucējas” koncerts i daņ... @ Reiga
May 29 @ 19:00 – 21:00
Latvejis Kulturys akademejis tradicionaluos dzīduošonys grupa “Saucējas” trešdiņ, 29. majā, 19.00 aicynoj is koncertu Āgenskolā Pāvula Jurjāna muzykys školys estradē, Bolūžu īlā 24. 
May
30
Cat
13:00 Daugovpiļs piļsātys svātki @ Daugovpiļs
Daugovpiļs piļsātys svātki @ Daugovpiļs
May 30 @ 13:00 – Jun 2 @ 19:00
Nu 31. maja da 2. juņa Daugovpiļs piļsāta svieteis sovu 749. dzimšonys dīnu, aicynojūt daugovpilīšus i gostus iz kūpeigom svineibom – piļsātys svātkim „Mana pils – Daugavpils!”. Treis dīnu garumā byus vareiba baudeit vysaidys koncertprogramys,[...]