Seminars ar itaidu nūsaukumu nu 26. juņa leidz 3. juļam nūtyka Reigā, Žālsirdeibys misionaru kongregacejis sātā – Ludzys īlā 6/8. Iz seminaru īsaroda Krīvejis regiona Žālsirdeibys Misionaru muosys, kateheti i ticeibys vuiceibys školotuoji nu vysys Latvejis. Seminaru vadeja ,,Lobuo Gona katehezis”  formacejis vadeituojis no ASV, sertificātuos pasnīdziejis – Betsija Puntela i Selīna Mitčela. Betsija ir ari Montesori pedagogs.

Itūgod klauseituoji vuiciejuos pirmuo leimiņa 2. daļu  i ūtrū leimini. Tys ir dorbs ar 3 – 7 godus mozim bārnim.

“Lobuo Gona kateheze” ir paradzāta 3 leidz 12 gadu vacuma bārnu katehizacejai. Metodi 1954. godā Ruomā suoka izstroduot ivrita i Bībelis zinuotneica Sofija Kavaleti, kurai kaida mote palyudze īvadeit ticeibys vuiceibā juos septeņus godus vacū dālu. Sovu turpmuokū dzeivi Sofija veļteja dorbam ar bārnim, turpynojūt pedagogis Marejis Montesori aizsuoktū duorbu pi bārnu religiskuos audzynuošonys.
Dabuot prīkšstotu par ,,Labuo Gona katehezis” telpu īkuortojumu  īspiejams, gastejūt Žālsirdeibys Misionaru kongregacejis sātu Reigā.

,,Lobuo Gona kateheze” bārnam dūd īspieju īmīļuot Jezu i pīaugt attīceibuos ar Dīvu, īsavuiceit kristīteibys pamatpatīseibys, īpazeit Bībeli, dabuot izpratni par bazneicys liturgiskojom svineibom, darbotīs ātrijā, kurā dorbs i puordūmys kliust par lyugšonu i struodot ar materialim, kuri veicynoj apceri par Svātajim Rokstim. Ir vairuoki principi, kai atpazeit ,,Lobuo Gona katehezi”. Bārns atriumā ir svareigokais. Atriums ir lyugšanu vīta. Jezus ir školotuojs. Klausūtīs Dīva vuordā bārns i pīaugušais ir vīnleidzeigi. Katehezē teik sekuots liturgiskijam godam i bārni teik sagataveiti bazneicys dzeivei. Mierkis ir – radeit bārnam gribiešonu īt iz Svātū Mišu. Tys vyss ir Dīva dorbs. Nav školotuoja golda. Dīvs ir atbiļdeigais.

Planavuots, ka ari cytā vosorā turpynuosīs ,,Labuo Gona katehezis” kursa vuiceišonuos.

Sagatavieja Māra Sadovska

Karteņa nu škārsteikla olūtim

Roksts sagataveits projekta “Latgalīšu rokstu volūdys vosorys seminars “Roksti!”” laikā ar Vaļsts Kulturkapitala fonda Latgolys Kulturys programys i Kulturys ministrejis atbolstu.