Jaunais žurnals par Latgolu “A12” atruodeits tautom/ FOTO
Žurnala nūsaukums “A12” rodīs nu ceļa nūsaukuma. A12 ir ceļš iz Latgolu, šoseja nu Jākubpiļs da Latvejis austrumu rūbežam, ceļš, kas savīnoj Latgolu, daudzim ir ceļš iz sātu nu Reigys, daudzim otkon ceļš iz pasauļu. Žurnals, kura moto ir Patīsi. Dzili. Skaisti izīs reizi divejūs mienešūs.
Pyrmajā numurā skaitit:
Par drūsmeigū puorsaceļšonu nu Jiurmolys iz klusū Preiļu nūvodu i kai īt ar sātys veina taiseišonu.
Interviju ar popularū reidzinīku Jezupu Peiguozni nu Latgolys, bierneibys atminis, boguotuo etnografeja i voi ir vajadzeiga Latgolys gluobšonys programa.
Bizness, kas paleidz pīpiļdeit sapynu – liduot. Izjiemieji Kļaveni par lidojumim viers Austrumu pīrūbeža i 20 godu pīredzi metala ražuošonā.
Kai ļaužu dūmys i dorbi ītekmej sātu liktiņus, viesturiski stuosti i nūtikšonys par Rēzeknis Atbreivuošonys aleju.
Laivu braucīni zylū azaru zemē i kai tī atsaškir nu cytim regionim, dabyskys vidis vylynuojums.
Latgolys literatura – Raibīs Suņs – Ceremoneja. Par bieneņūs atrostom viestulem.
Žurnals skaitoms ari Rēzeknis Centraluos bibliotekys skaiteitovā, nu ka gribīs nūpierkt, tod tū var izdareit Narvesen i Plus Punkts kioskūs, Albys veikalūs Rēzeknē, Maximys tierdznīceibys vītuos i Rēzeknis kopejneicā “Mozuo Rogovka”.
Karteņuos – žurnala prezentaceja, foto Rēzeknis Centraluo biblioteka i Māris Justs.
Komentari