Vuorkovys nūvoda kulturys centrs izsludynoj foto konkursu „Mes sovā nūvodā”.

Konkursa mierkis ir atkluot i popularizēt Vuorkovys kulturviesturyskuos vītys, nūvoda īdzeivuotuoju kasdīnys dzeivi sātā i saimē, dobys ainovys, kas izceļ Vuorkovys nūvoda unikalitati. Nu fotokonkursā īsyuteitajim dorbim tiks taiseita fotoizstuode.

Konkursā var pīsadaleit fotografi amateri bez vacuma īrūbežuojuma.

Kab pīsadaleitu konkursā, sovi dorbi digitalā veidā da 2012. goda 13. augustam juoīsyuta iz e-postu maija.pranevska@varkava.lv ci cytaiž elektroniskā formā juonūguodoj Vuorkovys nūvoda dūmis sabīdryskū attīceibu specialistei Maijai Pranevskai. Kotrai karteņai juobyut daliktam nalelam apraksteņam i izjimšonys vītys nūsaukumam.

Dorbi tiks viertieti piec atbiļsteibys konkursa temai, originalitate, tehniskuo izpiļdejuma kvalitate i autora individualais redziejums.

Konkursa dorbus vērtēs žureja i apbolvuos 3 lobuokūs dorbus. Apbolvuošonys ceremoneja byus izstuodis atkluošonā Vuorkovys nūvoda dūmis zalā 2012. goda 18. augustā Vuorkovys nūvoda svātku laikā.

Konkursa reikuotuoji atguodynoj, ka karteņu autors ir atbiļdeigs par īsyuteitū dorbu autortīseibom. Vysi konkursa dorbi, abpuseji vīnojūtīs, var tikt izmontuoti dažaiduos publikacejuos.

Informaceja nu Vuorkovys nūvoda sātyslopys, karteņā – Vuorkovys nūvoda kulturys centrs, foto LaKuGa